వైసీపీ నాయకురాలు మృతికి డిప్యూటీ సీఎం నివాళులు

సాలూరు మండల వైయస్సార్ కాంగ్రెస్ పార్టీ నాయకురాలు పారన్నవలస మాజీ సర్పంచ్ చొంగలి కొండమ్మ శుక్రవారం ఉదయం మృతి చెందారు. విషయం తెలుసుకున్న రాష్ట్ర ఉప ముఖ్యమంత్రి పీడిక రాజన్న దొర ఆమె భౌతిక కాయాన్ని దర్శించి నివాళులర్పించి, కుటుంబ సభ్యులను ఓదార్చారు.

వివరాలు ఇలా ఉన్నాయి. కొండమ్మ కాంగ్రెస్ పార్టీ ముఖ్య నాయకురాలుగా వ్యవహరిస్తూ ఆ పార్టీ మద్దతుతో తెలుగుదేశం పార్టీకి కంచుకోటగా పేరుందిన పారన్నవలసలో కాంగ్రెస్ పార్టీ జెండా ఎగురవేసారు. అలాగే 1995-20లో ఆపార్టీ మద్దతుతో సర్పంచ్ గా గెలుపొంది మండలంలో ఫైర్ బ్రాండ్ గా పేరొందారు. తదుపరి డిప్యూటీ సీఎం రాజన్న దొర మద్దతు దారుగా ఉంటూ పంచాయతీలో కాంగ్రెస్ పార్టీ పటిష్టతకు కృషి చేస్తూ, ఆయనతోపాటు వైయస్సార్ కాంగ్రెస్ పార్టీలో చేరి ఆ పార్టీ అభివృద్ధికి కృషి చేశారు. అందులో భాగంగా వైకాపా మద్దతుతో కొండమ్మ కుమారుడు చొంగలి లక్ష్మణ సర్పంచ్ గా గెలుపొంది బాధ్యతలను నిర్వహిస్తున్నారు.

కాగా గత గురువారం స్వల్ప అస్వస్థతకు గురైన కొండమ్మను ఆమె కుటుంబ సభ్యులు వైద్యం నిమిత్తం విశాఖపట్నం తీసుకొని వెళ్ళగా చికిత్స పొందుతూ మృతి చెందారు. మృత దేహాన్ని శుక్రవారం సాయంత్రం స్వగ్రామమైన పెద్ద పారన్నవలస తీసుకొని రాగా విషయం తెలుసుకున్న డిప్యూటీ సీఎం రాజన్న దొర విచ్చేసి కొండమ్మ భౌతిక కాయాన్ని దర్శించి నివాళులర్పించారు. అదేవిధంగా అదే విధంగా రాష్ట్ర గ్రంథాలయ శాఖ డైరెక్టర్ రెడ్డి పద్మావతి, మండల వైస్ ఎంపీపి రెడ్డి సురేష్, శివరాంపురం సర్పంచ్, ఎంపిటీసీలు జరజాపు మోహన్, కల్లేపల్లి త్రినాధ నాయుడు, పురోహితుని వలస సర్పంచ్ బంకురు తిరుపతిరావు, సాలూరు ఎఎంసి వైస్ చైర్మన్ బంకురు శ్రీనివాసరావు, సాలూరు వ్యవసాయ సలహా మండలి చైర్మన్ కిలపర్తి మన్మధరావు, వైకాపా జిల్లా ప్రధాన కార్యదర్శి దండి శ్రీను, ఆ మండల నాయకులు సువ్వాడ రామకృష్ణ, భరత్ శ్రీనివాస్, చొక్కాపు గోపి, వైయస్సార్ కాంగ్రెస్, తెలుగుదేశం పార్టీల కార్యకర్తలు అధిక సంఖ్యలో పాల్గొని నివాళులర్పిస్తూ కొండమ్మ కుటుంబ సభ్యులను ఓదార్చి తమ ప్రగాఢ సానుభూతిని తెలియజేసారు.