ఒక లక్ష్యం కోసం ఎలా శ్రమ చేయాలో జగన్ చూసి నేర్చుకోవాలి

ఒక లక్ష్యం కోసం ఎలా శ్రమ చేయాలో జగన్ చూసి నేర్చుకోవాలి ఏపీ ముఖ్యమంత్రి వైఎస్ జగన్ గురించి ఆసక్తికర వ్యాఖ్యలు చేశారు సీబీఐ మాజీ జేడీ లక్ష్మీనారాయణ. ఎన్టీఆర్ తెలుగు ఆత్మగౌరవం పేరుతో ప్రజల్లోకి వచ్చారని.. ప్రజల్లో చైతన్యం తీసుకొచ్చిన ముఖ్యమంత్రిగా కితాబిచ్చారు. దేశవ్యాప్తంగా తెలుగు వాళ్లకు గుర్తింపు తెచ్చారని ప్రశంసించారు. లక్ష్మీనారాయణ ఓ ఇంటర్వ్యూలో ముఖ్యమంత్రులు, రాజకీయ నేతలపై తన అభిప్రాయాలను చెప్పుకొచ్చారు.

ఏపీ ముఖ్యమంత్రి జగన్ గురించి ఆసక్తికర వ్యాఖ్యలు చేశారు. ఆయన ఒక నిర్ణయాన్ని తీసుకుని ఏదైనా సాధించాలని, దానికి కృషి ఎలా చేయాలో ఆయన్ను చూసి నేర్చుకోవచ్చన్నారు. 10 ఏళ్లు ప్రజల్లో ఉన్నారని.. పాదయాత్ర చేశారని గుర్తు చేశారు. ఒక లక్ష్యాన్ని పెట్టుకుని మనం ఎలా శ్రమపడాలో ఉదాహరణగా చెప్పాలన్నారు. ఆ గుణం నేర్చుకోవాలని.. ఒక లక్ష్యాన్ని ఎంచుకుని ఆ దిశగా వెళ్లడంలో ఆదర్శంగా తీసుకోవచ్చన్నారు.

దివంగత ముఖ్యమంత్రి వైఎస్ రాజశేఖర్ రెడ్డి ప్రజల పల్స్ తెలిసిన నాయకుడని.. ఆయన ఆరోగ్య శ్రీ , ఫీజు రీయింబర్స్‌మెంట్ వంటి గొప్ప పథకాలు తీసుకొచ్చారని.. ఇప్పుడు దేశవ్యాప్తంగా ఆయన తీసుకొచ్చిన పథకాలు అమలు చేస్తున్నారని చెప్పుకొచ్చారు. ముఖ్యమంత్రిగా చంద్రబాబు టెక్నాలజీలో మార్పులు తెచ్చారని.. విజన్ 2020 కాన్సెప్ట్‌తో ముందుకు వెళ్లారన్నారు. ఇతర దేశాలకు మనవాళ్లు వెళ్లడానికి మంచి అవకాశాలు తీసుకొచ్చారని.. ముందుగానే ఒక విజనరీతో ఆలోచన చేస్తారన్నారు.

తెలంగాణ ముఖ్యమంత్రి కేసీఆర్ ప్రజల పల్స్ తెలిసిన నాయకుడు అన్నారు లక్ష్మీనారాయణ. ప్రజల భాష మాట్లాడే ముఖ్యమంత్రి.. వ్యవసాయం, ప్రజల సమస్యల పట్ల అవగాహన ఉన్న వ్యక్తిగా అభివర్ణించారు. పవన్ కళ్యాణ్ ప్రజల్లో మార్పు తెద్దామని తపనపడుతున్న వ్యక్తిగా అభిప్రాయపడ్డారు. నాయకుడు అంటే రాజకీయాల్లో మాత్రమే ఉండరని.. అన్ని రంగాల్లో ఉంటారని వ్యాఖ్యానించారు. ఉపాధ్యాయులకు సర్వేపల్లి రాధాకృష్ణన్, మెడికల్ రంగంలోకి బీసీ రాయ్, ఇంజినీరింగ్ మోక్షగుండం విశ్వేశ్వరయ్యలను గుర్తు చేశారు. తనకు కమలహాసన్ అంటే ఇష్టం.. విలక్షణ నటుడు అంటూ కితాబిచ్చారు. గతంలో తాను నాటకాలు కూడా వేశానని చెప్పుకొచ్చారు. తాను ప్రజల్ని ఇష్టపడటం బలంగా భావిస్తానని.. తనకు ఎలాంటి భేషజాలు లేవన్నారు. అందర్నీ నమ్మడం తన బలహీనతగా చెప్పుకొచ్చారు. ఇదిలా ఉంటే లక్ష్మీనారాయణ వీడియోను వైఎస్సార్‌సీపీ కార్యకర్తలు ట్వీట్ చేస్తున్నారు. పట్టుదల విషయంలో జగన్‌ను ఆదర్శంగా తీసుకోవాలంటూ ఈ వీడియోను ప్రస్తావిస్తున్నారు. ధృడ సంకల్పానికి మారుపేరు అంటూ ప్రశంసిస్తున్నా