కూల్చి పారదొబ్బడానికి ఇదేమన్నా సినిమా సెట్టింగా?
Andhra Pradesh Telugu | Suryaa Desk | Published : Mon, Nov 07, 2022, 12:02 PM
ఇప్పటం గ్రామంలో అక్రమ ప్రహరీలు కూలిస్తే ప్రభుత్వాన్ని కూల్చాలా? అని రాష్ట్ర జలవనరుల శాఖ మంత్రి అంబటి రాంబాబు, పవన్ క‌ల్యాణ్‌ను ప్ర‌శ్నించారు. ఇప్పటం గ్రామాన్ని జనసేన అధ్యక్షుడు పవన్‌కళ్యాణ్‌ సందర్శించిన సందర్భంగా ఒక ఉన్మాదిలా, బరి తెగించి ఇష్టం వచ్చినట్లు మాట్లాడారు. ఈ ప్రభుత్వాన్ని కూల్చిపారదొబ్బండి అని కూడా అన్నారు. అంటే ఆయన ఎంత ఫ్రస్టేషన్‌లో ఉన్నాడో, ఎంత అవివేకంగా ఉన్నాడో, ఎంత అర్థరహితంగా ఉన్నాడో ఆ ఒక్క మాటతోనే అర్ధం అవుతుంది. గత నెల 17వ తేదీన కూడా దాదాపు అలాగే మాట్లాడాడు. కూల్చి పారదొబ్బడానికి ఇదేమన్నా సినిమా సెట్టింగా? షూటింగ్‌ కాగానే కూల్చి వేయడానికి. ఇది ప్రజలు ప్రజాస్వామ్యబద్ధంగా ఎన్నుకున్న ప్రభుత్వం. అది ప్రజలకు మాత్రమే ఉంది. కానీ ఆ ఎన్నికలకు ఇంకా చాలా దూరం ఉంది. ఆలోగానే చంద్రబాబు సహకారంతో ఈ ప్రభుత్వాన్ని కూల్చేయాలని ఒక ఉన్మాదిలా పవన్ మాట్లాడుతున్నాడు అని అంబటి ధ్వజమెత్తారు.
|
|