ట్రెండింగ్
ఏపీ విభజన సమస్యలపై.. ఈ నెల 23న ఢిల్లీలో సమావేశం
Andhra Pradesh Telugu | Suryaa Desk | Published : Tue, Nov 08, 2022, 08:37 PM
ఈ నెల 23న దేశ రాజధాని ఢిల్లీలో విభజన సమస్యలపై కేంద్ర ప్రభుత్వం సమావేశం ఏర్పాటు చేసింది. ఉమ్మడి ఆంధ్రప్రదేశ్ ఎనిమిదేళ్ల కిందట ఏపీ, తెలంగాణ రాష్ట్రాలుగా విడిపోయిన సంగతి తెలిసిందే. విభజన చట్టంలోని హామీలు, ఇతర అంశాలు పూర్తిచేసేందుకు పదేళ్లు గడువుగా పేర్కొన్నారు. అయితే, విభజన సమస్యలు ఇప్పటికీ అపరిష్కృతంగానే ఉన్నాయి.
ఈ నేపథ్యంలో, ఇరు రాష్ట్రాలతో చర్చలకు కేంద్రం ముహూర్తం నిర్ణయించింది. ఈ నెల 23న దేశ రాజధాని ఢిల్లీలో విభజన సమస్యలపై సమావేశం ఏర్పాటు చేసింది. ఈ కీలక భేటీకి తప్పనిసరిగా హాజరు కావాలంటూ ఏపీ, తెలంగాణ రాష్ట్రాలకు కేంద్ర హోంశాఖ సమాచారం పంపింది. కేంద్ర హోంశాఖ కార్యదర్శి అజయ్ భల్లా నేతృత్వంలో జరిగే ఈ సమావేశంలో తెలుగు రాష్ట్రాల విభజన సమస్యలపై పూర్తిస్థాయిలో చర్చించనున్నారు.
|
|