రేడియేషన్ పై అప్రమత్తంగా ఉండాలి

నేడు మ‌నం ఉప‌యోగిస్తొన్న ప్ర‌తి ఎల‌క్ట్రానిక్ వ‌స్తువులోను రేడియేష‌న్ ఉంటుంద‌ని వాటిప‌ట్ల అప్ర‌మ‌త్తంగా ఉండాల‌ని సెంచూరియ‌న్ విశ్వ‌విద్యాల‌యం వైస్ ఛాన్స‌ల‌ర్ ప్రొఫెస‌ర్ జిఎస్ఎన్ రాజు అన్నారు. శ‌నివారం సెంచూరియ‌న్ విశ్వ‌ విద్యాల‌యంలో `ప్ర‌పంచ రేడియాలజీ దినోత్సవం` కార్య‌క్ర‌మాన్ని నిర్వ‌హించారు. ఈ కార్య‌క్ర‌మానికి ముఖ్య అతిధిగా పాల్గొన్న ఆయ‌న మాట్లాడుతూ రేడియేష‌న్ అనేది మ‌నకు తెలియ‌కుండానే మ‌న‌ శ‌రీరంపై చెడు ప్ర‌భావం చూపుతుంద‌ని అన్నారు. సెల్‌ఫోన్, వాట‌ర్ హీట‌ర్, ఒవేన్ త‌దిత‌ర వాటితోపాటు ఎక్స్ రే, సిటి, ఎంఆర్ఐ వంటి ఎల‌క్ట్రానిక్ స్కానింగ్ యంత్రాల‌ నుంచి రేడియేష‌న్ అధికంగా ఉంటుంద‌న్నారు. ఈ రేడియేష‌న్ వ‌ల్ల చ‌ర్మ వ్యాధులు, చెవి, క‌ళ్లు, పున‌రుత్ప‌త్తి వంటి స‌మ‌స్య‌లు త‌లెత్తే ప్ర‌మాదం ఉంద‌న్నారు. ఏ వ‌స్తువులో ఎంత రేడియేష‌న్ ఉంటుంద‌న్న‌దీ ప్ర‌తి ఒక‌రు తెలుసుకోవాల‌న్నారు. స‌హ‌జంగా సూర్యుని నుంచి వ‌చ్చే కిర‌ణాల నుంచి కూడా రేడియేష‌న్ ఉంటుంద‌న్నారు. కొన్ని ర‌కాల మొక్క‌ల‌లోకూడా రేడియేష‌న్ ఉంటుంద‌న్నారు.

ఈ కార్య‌క్ర‌మానికి ముఖ్య వ‌క్త‌గా పాల్గొన్న తిరుప‌తిలోని స్విమ్స్ రేడియాల‌జిక‌ల్ సేఫ్టీ ఆఫీస‌ర్ డాక్ట‌ర్ ఎం. వి. రంగారావు మాట్లాడుతూ త్వ‌ర‌లో ఫ్యూజ‌న్ టెక్నాల‌జీ అందుబాటులోకి రాబోతుంద‌న్నారు. సీటీ స్కాన్, ఎంఆర్ఐకి బ‌దులుగా ఫ్యూజ‌న్ టెక్నాల‌జీతో ఒకే యంత్రంతోనే మ‌నం తెలుసుకునే వీలుంద‌న్నారు. ఈ కార్య‌క్ర‌మంలో ఇండియ‌న్ సొసైటీ ఆఫ్ రేడియోగ్రాఫ‌ర్స్ అండ్ టెక్నాల‌జిస్ట్స్ (ఐఎస్ఆర్టి) జాతీయ కార్య‌వ‌ర్గ స‌భ్యులు కె. అంజ‌నీకుమార్, రాజీవ్ కృష్ణ‌న్, రిజిస్ట్రార్ ప్రొఫెస‌ర్ పీఎస్వీ ర‌మ‌ణారావు, డిప్యూటీ రిజిస్ట్రార్ డాక్ట‌ర్ ఆర్ఎస్ వ‌ర్మ‌, డీన్ డాక్ట‌ర్ ఎంఎల్ఎన్ ఆచార్యులు, విభాగాధిప‌తి నూక‌రాజు, శివ‌సాగ‌ర్ , ప‌లువురు విద్యార్థులు పాల్గొన్నారు.