చిక్కెన్ లో గన్ కుక్కిన స్మగ్లర్..చివరికి ఇలా దొరికాడు

మారుతున్న కాలంలో స్మగ్లర్లు కూడా తెలివి మీరిపోతున్నారు. మత్తు మందు నుంచి అరుదైన జంతువుల వరకు అన్నింటిని అక్రమంగా తరలించేందుకు.. తమ క్రియేటివిటీనంత ఉపయోగిస్తున్నారు. అధికారులను బురిడి కొట్టించేందుకు రకరకాలుగా ప్రయత్నిస్తున్నారు. అయితే తనిఖీల్లో అడ్డంగా దొరికిపోతున్నారు. పక్కా సమాచారంతో సోదాలు చేస్తున్న అధికారులకు స్మగర్ల సృజనాత్మకతను చూసి విస్తుపోతున్నారు. తాజాగా గన్స్‌ను ఎవరూ ఊహించని విధంగా.. చికెన్‌లో పెట్టి.. తరలించేందుకు ప్రయత్నం చేశారు. ఇది ఇక్కడ అమెరికాలో జరిగింది.

ఓ వ్యక్తి చికెన్‌లో గన్‌ని స్టఫ్‌ చేసి నీట్‌గా ప్యాకింగ్ చేసుకుని ఫ్లోరిడాలో లాడర్‌డేల్‌ హాలీవుడ్‌ ఎయిర్‌పోర్ట్‌కు చేరుకున్నాడు. వాటితో ఫ్లైట్ ఎక్కడానికి వచ్చిన ఆ వ్యక్తిపై ఎయిర్‌పోర్ట్‌ అధికారులు అనుమానం వచ్చింది. వెంటనే సోదాలు చేయగా పచ్చి చికెన్‌ లోపల కుక్కి ఉన్న గన్స్ ఉన్నాయి. దానిని చూసిన అధికారులు ఆశ్చర్యపోయారు. దాంతో ఎయిర్‌పోర్ట్ అధికారులు సదరు వ్యక్తి అదుపులోకి తీసుకుని విచారించి అరెస్ట్ చేశారు.

ఈ ఘటనకు సంబంధించిన ఫోటోలను అమెరికా ట్రాన్స్‌పోర్టేషన్ సెక్యూరిటీ అడ్మినిస్ట్రేషన్ (టీఎస్‌ఏ) సోషల్ మీడియాలో పోస్ట్ చేసింది. ఆ ఫోటోల్లో పచ్చి కోడిలో పిస్టల్స్ పెట్టడం స్పష్టంగా కనిపిస్తుంది. దీనిపై నెటిజన్లు మిశ్రమంగా స్పందిస్తున్నారు. పిస్టల్‌ను అలా తరలించేందుకు ప్రయత్నించడంపై రకరకాలుగా కామెంట్లు పెడుతున్నారు. కాగా 2022లో ఫ్లోరిడాలోని టీఎస్‌ఏ (TSA) చెక్‌ పాయింట్‌లకు రికార్డ్ స్థాయిలో తుపాకులు వచ్చాయి. ఈ ఏడాది ఇప్పటివరకు రాష్ట్రంలోని విమానాశ్రయాల్లోని చెక్‌ పాయింట్‌లకు ప్రయాణికులు 700 కంటే ఎక్కువ తుపాకులను తీసుకొచ్చారు. గత ఏడాది కంటే ఈ సంఖ్య చాలా ఎక్కువ.