అక్రమ కేసులు ఎదుర్కొంటున్న మహిళానేతలకు తెలుగుదేశం పార్టీ అండగా ఉంటుంది
Andhra Pradesh Telugu | Suryaa Desk | Published : Sat, Nov 19, 2022, 06:02 PM
వైసీపీ ప్రభుత్వంపై టీడీపీ జాతీయ ప్రధాన కార్యదర్శి నారా లోకేష్ నిప్పులు చెరిగారు. ‘‘దళితులపై దమనకాండ సాగిస్తూ, ఎస్సీ సంక్షేమ పథకాలు రద్దు చేసిన ప్రభుత్వం తీరుపై శాంతియుతంగా నిరసన తెలిపిన టీడీపీ దళిత మహిళా నేతలు నిర్మల, సునీతారాణిల అరెస్ట్ జగన్ రెడ్డి ఫ్యాక్షన్ పాలనకి పరాకాష్ట. సీఎం జగన్‌రెడ్డి, మాజీ మంత్రి కొడాలి నాని గౌరవ మర్యాదలకు భంగం వాటిల్లిందని పోలీసులు కేసు నమోదు చేయడం హాస్యాస్పదం. 32 క్రిమినల్ కేసుల్లో నిందితుడు, ప్రజాస్వామ్యాన్ని ఖూనీ చేసిన హంతకుడు, సొంత బాబాయ్‌ని చంపించిన దుర్మార్గుడు జగన్ రెడ్డికి.. నోటితో బూతులు వాంతులు చేసుకునే కేసినో కేటు కొడాలి నానికి గౌరవ మర్యాదలు ఎక్కడున్నాయి భంగం కలగడానికి. ఇదే చట్టం అందరికీ అమలైతే.. నాటీ సీఎం చంద్రబాబు గారిని నడిరోడ్డుపై నరికేయాలన్న ప్రతిపక్షనేత జగన్ మోహన్ రెడ్డి గారిపై ఎన్ని కేసులు పెట్టాలి? నిత్యము రోతకూతలు, బూతులతో ఉచ్ఛనీచాలు మరిచి ప్రతిపక్ష నేతలు, ప్రజాసంఘాల నేతలను దూషించే కొడాలి నానీని ఎన్నిసార్లు అరెస్టు చేయాలి? అక్రమంగా అరెస్టు చేసిన టీడీపీ దళిత మహిళానేతలను తక్షణమే విడుదల చేయాలి. అక్రమ కేసులు ఎదుర్కొంటున్న మహిళానేతలకు తెలుగుదేశం పార్టీ అండగా ఉంటుంది’’ అని లోకేష్ భరోసా ఇచ్చారు.
|
|