ట్రెండింగ్
వాహనాలు నడిపే సమయంలో అతివేగం, అతి విశ్వాసం పనికి రాదు
Andhra Pradesh Telugu | Suryaa Desk | Published : Mon, Nov 21, 2022, 07:15 PM
రోడ్డు ప్రమాదాలు జరగకుండా వాహనదారులు జాగ్రత్తలు పాటించాలని అనంతపురం జిల్లా ట్రాన్సపోర్టు ఆఫీసర్‌ శివరాంప్రసాద్‌ సూచించారు. ఆదివారం రోడ్డు ప్రమాదాల మృతుల సంస్మరణ దినోత్సవాన్ని పురస్కరించుకుని అనంతపురం నగర పాలక సంస్థ కార్యాలయం నుంచి కొవ్వొత్తుల ర్యాలీ నిర్వహించారు. ఈ సందర్భంగా జిల్లా ట్రాన్సపోర్టు ఆఫీసర్‌ మాట్లాడుతూ రోడ్డు భద్రతా నియమాలు పాటించడం ద్వారా ప్రమాదాలు అరికట్టవచ్చన్నారు. వాహనాలు నడిపే సమయంలో అతివేగం, అతి విశ్వాసం పనికి రాదన్నారు. కుటుంబ సభ్యులను గుర్తుంచుకుని వాహనాలు నడిపితే ఎవరూ ప్రమాదాలకు గురయ్యే అవకాశం ఉండదన్నారు. కార్యక్రమంలో ఆర్టీఓ సుధాకర్‌నాయుడు, ఎంవీఐలు రమణారెడ్డి, శ్రీనివాసులు, సునీత, ఏఎంవీఐలు, ఆర్టీఓ సిబ్బంది, పలు స్వచ్ఛంద సంస్థల ప్రతినిధులు, రోడ్డు ప్రమాదాల్లో మరణించిన బాదిత కుటుంబ సభ్యులు పాల్గొన్నారు.
|
|