ట్రెండింగ్
కోడి కూసిందని ఫిర్యాదు.. యజమానిపై కేసు
national | Suryaa Desk | Published : Tue, Nov 29, 2022, 03:20 PM
ఓ కోడి తెల్లవారుజామునే కూస్తూ తన నిద్రకు భంగం కలిగిస్తుందని వైద్యుడు పోలీసులను ఆశ్రయించిన వింత ఘటన మధ్యప్రదేశ్ లోని ఇండోర్ లో జరిగింది. అలోక్ మోడీ అనే వ్యక్తి పాలసియాలో సిల్వర్ ఎన్ క్లేవ్స్ లో నివాసం ఉంటున్నాడు. క్యాన్సర్ వైద్యుడైన అలోక్ విధులు ముగించుకొని అర్ధరాత్రి ఇంటికి వస్తుంటాడు. ఈ క్రమంలో తన ఇంటి సమీపంలో విజయన్ అనే వ్యక్తికి చెందిన కోడి రోజూ ఉదయాన్నే కూస్తూ నిద్రకు భంగం కలిగిస్తుండగా పలుమార్లు విజయన్ తో చర్చలు జరిపాడు. అయినా పరిస్థితిలో మార్పు రాక పోలీసులను ఆశ్రయించాడు. ఫిర్యాదు స్వీకరించిన పోలీసులు కోడి యజమాని విజయన్ పై సెక్షన్ 138 కింద కేసు నమోదు చేశారు.
|
|