ట్రెండింగ్
చెట్టును ఢీకొన్న ఆటో.. యువకుడి దుర్మరణం
Andhra Pradesh Telugu | Suryaa Desk | Published : Wed, Nov 30, 2022, 12:07 PM
చీరాల మండలం వాడరేవు- రామాపురం బీచ్ రోడ్డులో జరిగిన ఆటో ప్రమాదంలో బి. రాజు అనే యువకుడు మృతి చెందాడు. సోమవారం మధ్యాహ్నం రాజు కొందరు స్నేహితులతో కలిసి మరో మిత్రుడి వివాహానికి ఆటోలో బయలుదేరి వెళ్లి వాడరేవులోని ఇంటికి తిరిగి వస్తుండగా ఆటో అదుపుతప్పి రోడ్డు పక్కన ఉన్న ఒక చెట్టును ఢీకొని బోల్తా పడింది
దాంతో ముందు వైపు కూర్చున్న రాజు ఎగిరి ఆ సమీపంలో ఉన్న మైలురాయిపై పడడంతో తల పగిలిపోయింది. కుటుంబ సభ్యులు వెంటనే గుంటూరులోని ఒక ప్రైవేట్ ఆస్పత్రికి తీసుకువెళ్లగా చికిత్స పొందుతూ రాజు మంగళవారం మృతి చెందాడు. ఈ ప్రమాదంలో మరో ఇద్దరు కూడా గాయపడ్డారు. రాజు తండ్రి జగ్గారావు ఫిర్యాదు మేరకు ఈపూరుపాలెం పోలీసులు కేసు నమోదు చేసి దర్యాప్తు చేపట్టారు
|
|