దేశ సేవలో త్రిసాయుధ దళాల సేవలు మరువలేనివి జిల్లా కలెక్టర్ బసంత్ కుమార్
Andhra Pradesh Telugu | Suryaa Desk | Published : Wed, Dec 07, 2022, 08:21 PM
దేశానికి సేవ చేయడంలో త్రిసాయుధ దళాల సేవలు మరువలేనివని జిల్లా కలెక్టర్ బసంత్ కుమార్ పేర్కొన్నారు. బుధవారం పుట్టపర్తి కలెక్టర్ లోని జిల్లా కలెక్టర్ ఛాంబర్ లో త్రిసాయుధ దళాల పతాక దినోత్సవంను పురస్కరించుకొని జిల్లా కలెక్టర్ తమ వంతు విరాళాన్ని జిల్లా సైనిక సంక్షేమ శాఖకి అందజేశారు. ఈ సందర్భంగా జిల్లా కలెక్టర్ మాట్లాడుతూ త్రిసాయుధ దళాల సేవలు ప్రశంసనీయమన్నారు. దేశానికి సేవ చేయడంలో త్రిసాయుధ దళాల సేవలు ఎంతో కీలకమన్నారు. మాజీ సైనికుల సంక్షేమార్థం ఏర్పాటు చేసిన ప్రత్యేక నిధికి విరాళాలు అందజేస్తున్న ప్రతి ఒక్కరికి అభినందనలు తెలిపారు. ఈ సందర్భంగా యుద్ధంలో వీరమరణం పొందిన కుటుంబాల వారికి అందించే సైనిక సంక్షేమ శాఖ పోస్టర్స్ ని విడుదల చేసి, వీరమరణం పొందిన వారి కుటుంభ సభ్యులను సన్మానించారు. ఈ కార్యక్రమంలో జిల్లా సైనిక సంక్షేమ అధికారి జి. రాచయ్య, జిల్లా సైనిక సంక్షేమ శాఖ సిబ్బంది, వీరమరణం పొందిన వారి కుటుంభ సభ్యులు తదితరులు పాల్గొన్నారు.
|
|