ట్రెండింగ్
తనపై కొందరు అత్యుత్సాహం చూపారు: రష్మిక
national | Suryaa Desk | Published : Thu, Dec 08, 2022, 11:34 PM
కన్నడ చిత్ర పరిశ్రమ తనపై ఎలాంటి నిషేధం విధించలేదని అందాల భామ రష్మిక మందన్న స్పష్టం చేశారు. కన్నడ చిత్ర పరిశ్రమ తనపై నిషేధం విధించినట్టు జరుగుతున్న ప్రచారంపై ఆమె పై విధంగా స్పందించారు. 'కాంతార' విషయంలో తనపై కొందరు అత్యుత్సాహం చూపారని వెల్లడించారు.
"కాంతార సినిమా చూసి చిత్రబృందానికి మెసేజ్ పెట్టాను. సినీ నటుల మధ్య ఏం జరుగుతుందనేది బయటి ప్రపంచానికి తెలియదు. అయినా నా వ్యక్తిగత జీవితం ప్రజలకు అవసరం లేదు. వృత్తిపరంగా ఏంచేస్తున్నానో చెప్పడం నా బాధ్యత. అంతవరకే. అంతేతప్ప నా పర్సనల్ విషయాలను కూడా కెమెరా పెట్టి అందరికీ చూపలేను. మెసేజ్ లు బయటికి విడుదల చేయలేను" అంటూ రష్మిక స్పష్టం చేశారు. రష్మిక ఖాతాలో పుష్ప-2 చిత్రంతో పాటు పలు బాలీవుడ్ చిత్రాలు కూడా ఉన్నాయి.
|
|