ట్రెండింగ్
టోల్ గేట్ ఎత్తివేతతో తగ్గిన బస్సు టిక్కెట్ ధరలు
Andhra Pradesh Telugu | Suryaa Desk | Published : Sun, Dec 11, 2022, 01:13 PM
జిల్లాలో చిలకపాలెం వద్ద టోల్ గేట్ ఎత్తివేయడంతో అటుగా వెళ్లే ఆర్టీసీ బస్సు టిక్కెట్ల ధరలు తగ్గాయని ఆర్టీసీ ఎస్ఎం శ్యామూల్స్ తెలిపారు. శ్రీకాకుళం నుంచి విశాఖపట్నానికి వెళ్లే నాన్ స్టాప్, అల్ట్రా డీలక్స్, సూపర్ లగ్జరీ బస్సులకు రూ. 10 చొప్పున తగ్గించినట్లు చెప్పారు. ఆ ప్రకారం శ్రీకాకుళం నుంచి విశాఖపట్నానికి ఎక్స్ ప్రెస్ బస్సు ధర రూ. 145, అల్ట్రాడీలక్స్ రూ. 175, సూపర్ లగ్జరీ రూ. 180 అయినట్లు తెలిపారు. శ్రీకాకుళం నుంచి విజయనగరానికి గతంతో టిక్కెట్ ధర రూ. 105 ఉండేదని అందులోనూ రూ. 10 తగ్గించినట్లు వివరించారు. ఆదివారం నుండే ఇవి అమల్లోకి వస్తాయని ఆయన స్పష్టం చేశారు.
|
|