ట్రెండింగ్
జాతీయ రహదారి 40పై ప్రమాదం, వృద్దుడు మృతి
Andhra Pradesh Telugu | Suryaa Desk | Published : Mon, Dec 19, 2022, 02:35 PM
కర్నూలు- చిత్తూరు జాతీయ రహదారి 40పై ఆదివారం రాత్రి నన్నూరు గ్రామ సమీపాన గల టోల్‌ ప్లాజా వద్ద ఓ వృద్ధుడిని కారు ఢీకొనడంతో అక్కడికక్కడే మృతి చెందాడు. వివరాల్లోకి వెళ్ళితే... గూడూరు మండలానికి చెందిన పింజరి బడే సాహేబ్‌ (70)ని కారు ఢీకొనడంతో అక్కడికక్కడే మృతి చెందాడు. మృతుడు బడే సాహెబ్‌ రాగ మయూరిలో ఉన్న నారాయణ కాలేజీలో వాచ్‌మెన్‌గా పని చేస్తున్నాడు. టీ తాగేందుకు టోల్‌ ప్లాజా సమీపంలోకి వచ్చి టీ తాగి తిరిగి వెళ్తుండగా.. నంద్యాల నుంచి కర్నూలు వెళ్తున్న ఓ కారు అతివేగంగా వచ్చి ఢీకొనడంతో బడే సాహెబ్‌ అక్కడికక్కడే మృతి చెందాడు. ఈమేరకు కేసు నమోదు చేసినట్లు ఎస్‌ఐ తెలిపారు.
|
|