గ్రిగ్స్ పోటీల్లో రాణించండి
Andhra Pradesh Telugu | Suryaa Desk | Published : Tue, Dec 20, 2022, 05:05 PM
గ్రిగ్స్ పోటీల్లో ప్రతిభ కనబరిచి రాణించాలని శ్రీపురం యూత్ క్లబ్ గౌరవ అధ్యక్షులు, సానివాడ సర్పంచ్ ప్రతినిధి రుప్ప రమణమూర్తి క్రీడాకారులకు పిలుపునిచ్చారు. పోలాకి మండలం మబగాం జిల్లా పరిషత్ ఉన్నత పాఠశాల మైదానంలో నిర్వహించనున్న నరసన్నపేట నియోజకవర్గ స్థాయి గ్రిగ్స్ బాల్ బ్యాడ్మింటన్ పోటీలకు శ్రీపురం యూత్ క్లబ్ క్రీడాకారులు మంగళవారం పయనమయ్యారు. శ్రీకాకుళం గ్రామీణ మండలం సానివాడ మండల ప్రాథమిక ఉన్నత పాఠశాల, ఒప్పంగి జిల్లా పరిషత్ ఉన్నత పాఠశాల విద్యార్థులు ఈ పోటీల్లో ఆయా పాఠశాల నుండి ప్రాతినిధ్యం వహించనున్నారు. సీనియర్ జూనియర్ బాల బాలికల విభాగంలో 33 మంది క్రీడాకారులు ఈ పోటీల్లో పాల్గొనున్నారు. క్రమశిక్షణతో సాధన చేస్తూ జిల్లా రాష్ట్ర జాతీయ స్థాయి పోటీల్లో రాణించాలని ఆయన సూచించారు. ఈ కార్యక్రమంలో శ్రీపురం యూత్ క్లబ్ ప్రధాన కార్యదర్శి రుప్ప నరసింహమూర్తి, భారత్ స్పోర్ట్స్ మేనేజింగ్ డైరెక్టర్ రుప్ప శంకర్ క్లబ్ సభ్యులు బెండు మోహన్ కృష్ణ, ఆర్గనైజింగ్ సెక్రటరీ రుప్ప కార్తీక్ తదితరులు పాల్గొన్నారు.
|
|