ట్రెండింగ్
ఘనంగా సెమీ క్రిస్మస్ వేడుకలు
Andhra Pradesh Telugu | Suryaa Desk | Published : Tue, Dec 20, 2022, 08:05 PM
ఘంటసాలలో నిర్వహించిన ఐక్య సెమీ క్రిస్మస్ వేడుకలకు క్రీస్తు విశ్వాసులు భారీగా హాజరయ్యారు. ఘంటసాలలోని వీరపనేని సరోజిని పార్క్ లో మంగళవారం రాత్రి ఐక్య క్రిస్మస్ వేడుకలను మండల దైవసేవకుల ఆధ్యర్యంలో ఘనంగా నిర్వహించారు. వేకనూరు వాస్తవ్యులు, అక్షయ డేవలపర్స్ అధినేత మాదివాడ వెంకట కృష్ణ - క్రిస్టియన్ ముఖ్య అతిథిగా పాల్గొనగా, విజయవాడకు చెందిన ఐ. పి. సి చర్చి పాస్టర్ జి జాన్ వెస్లీ క్రీస్తు సందేశాన్ని అందించారు. క్యాండిల్ లైట్ సర్వీస్ లో భాగంగా దైవసేవకులు, విశ్వాసులు కొవ్వొత్తిలు చేతపట్టి క్రీస్తు గీతాలు ఆలపించారు. భారీ కేకును కట్ చేసి, ఒకరికొకరు తినిపించుకుంటూ, క్రిస్టమస్ శుభాకాంక్షలు తెలుపుకున్నారు. వెంకట కృష్ణ సమకూర్చిన నూతన వస్త్రాలను దైవసేవకులు అందజేశారు.
|
|