రవీంద్రారెడ్డి పై విరుచుకుపడ్డ మైదుకూరు ఎమ్మెల్యే
Andhra Pradesh Telugu | Suryaa Desk | Published : Fri, Dec 23, 2022, 01:15 PM
ప్రజాదరణ కలిగిన ముఖ్యమంత్రి వైయస్ జగన్మోహన్రెడ్డిపై, దుష్టచతుష్టయం వలలో చిక్కుకున్న డీఎల్ రవీంద్రారెడ్డి విమర్శలు చేస్తే ప్రజలెవ్వరూ నమ్మేందుకు సిద్ధంగా లేరని, విలువల్లేని రాజకీయ ద్రోహి డీఎల్ రవీంద్రారెడ్డి అని మైదుకూరు వైయస్ఆర్ కాంగ్రెస్ పార్టీ ఎమ్మెల్యే రఘురామిరెడ్డి ధ్వజమెత్తారు. సీఎం వైయస్ జగన్ ప్రజాదరణను చూసి ఓర్వలేని చంద్రబాబు, ఎల్లోమీడియా ప్రతినిధులు రామోజీరావు, రాధాకృష్ణలు కలిసి డీఎల్ రవీంద్రారెడ్డిని ఒక పావుగా వాడుకుని ఆయన చేత ప్రెస్మీట్ పెట్టించారన్నారు. డీఎల్ రవీంద్ర పెద్ద అవినీతి పరుడు, ఆయన వ్యాఖ్యలన్నీ కుట్రపూరితమేనని కొట్టిపారేశారు. డీఎల్ రవీంద్రారెడ్డి వ్యాఖ్యలను ఎమ్మెల్యే రఘురామిరెడ్డి తీవ్రంగా ఖండించారు. మూడున్నరేళ్లలో పార్టీ సమావేశాల్లో కనిపించని, కనీసం ప్లీనరీ సమావేశాలకు హాజరుకాని డీఎల్ రవీంద్రారెడ్డి.. ఈరోజు వైయస్ఆర్సీపీలోనే ఉన్నానని చెప్పుకోవడానికి సిగ్గులేదా..? అని ప్రశ్నించారు. వైయస్ఆర్ జిల్లా పార్టీ కార్యాలయంలో ఎమ్మెల్యే రఘురామిరెడ్డి విలేకరుల సమావేశం నిర్వహించారు.
|
|