కింగ్ కోహ్లీ షో! రబాడాను ఊడ్చేసిన రన్ మెషీన్

ఐపీఎల్ 2026 సీజన్‌లో విరాట్ కోహ్లీ కొత్త దూకుడుతో కనిపిస్తున్నాడు. సాధారణంగా ఇన్నింగ్స్ ప్రారంభంలో కాస్త సమయం తీసుకునే కోహ్లీ, ఈసారి అహ్మదాబాద్‌లోని నరేంద్ర మోదీ స్టేడియంలో గుజరాత్ టైటాన్స్‌తో జరిగిన మ్యాచ్‌లో మాత్రం పూర్తిగా భిన్నంగా ఆడాడు.గుజరాత్ కెప్టెన్ శుభ్‌మన్ గిల్, ఇన్నింగ్స్ రెండో ఓవర్‌ను స్టార్ పేసర్ కాగిసో రబాడాకు అప్పగించాడు. అయితే రబాడ వేగానికి కోహ్లీ ఏమాత్రం వెనకడుగు వేయలేదు. తన క్లాసిక్ టైమింగ్‌తో వరుసగా ఐదు బంతులను బౌండరీలకు తరలించి మైదానంలో తన ఆధిపత్యాన్ని చూపించాడు.ఆ ఓవర్ తొలి బంతిని డీప్ మిడ్‌వికెట్ దిశగా పుల్ షాట్‌తో ఫోర్‌గా మలచిన కోహ్లీ, రెండో బంతిని కవర్స్ మీదుగా అద్భుతమైన షాట్‌తో బౌండరీకి పంపాడు. ఆ తర్వాతి మూడు బంతుల్లో కూడా వరుసగా మూడు ఫోర్లు కొట్టి రబాడపై తీవ్ర ఒత్తిడి తెచ్చాడు. ఫీల్డింగ్ సెటప్‌ను గుజరాత్ మార్చినా, కోహ్లీ షాట్ల ముందు వారు ప్రేక్షకుల్లా మారిపోయారు. వేగవంతమైన బౌలింగ్‌ను ఎదుర్కొనడంలో తనకు తానే సాటి అని కోహ్లీ మరోసారి నిరూపించాడు.ఈ మ్యాచ్‌లో రబాడ ఓవర్‌లో కోహ్లీ చేసిన 21 పరుగులు, ఐపీఎల్ చరిత్రలో అతడి అత్యుత్తమ ఓవర్లలో నాలుగో స్థానంలో నిలిచాయి. ఆ జాబితాలో అతడి టాప్ ప్రదర్శనలు ఇలా ఉన్నాయి:
-30 పరుగులు – గుజరాత్ లయన్స్‌పై (బెంగళూరు, 2016)
-23 పరుగులు – ఢిల్లీ క్యాపిటల్స్‌పై (ఢిల్లీ, 2013)
-22 పరుగులు – డెక్కన్ ఛార్జర్స్‌పై (బెంగళూరు, 2010)
-21 పరుగులు – గుజరాత్ టైటాన్స్‌పై (అహ్మదాబాద్, నేడు)
ప్రస్తుతం ఆరెంజ్ క్యాప్ రేసులో అగ్రస్థానంలో ఉన్న కోహ్లీ, తన దూకుడైన ఆటతీరుతో రాయల్ ఛాలెంజర్స్ బెంగళూరు అభిమానులకు మరోసారి పండగ వాతావరణాన్ని తీసుకొచ్చాడు.