వేతన బకాయిలను తక్షణమే చెల్లించాలి
Andhra Pradesh Telugu | Suryaa Desk | Published : Fri, Dec 23, 2022, 07:58 PM
పాలకొండ: వేతన బకాయిలను తక్షణమే చెల్లించాలని ఆర్టీసీ స్టాప్ అండ్ వర్కర్స్ ఫెడరేషన్ నాయకులు డిమాండ్ చేశారు. శుక్రవారం సిఐటియు ఆధ్వర్యంలో స్థానిక ఆర్టీసీ డిపో వద్ద నిరసన తెలియజేశారు. ఈ సందర్భంగా ఫెడరేషన్ నాయకులు ఆవాల సంఘం నాయుడు మాట్లాడుతూ పిఆర్సి బకాయిలను వెంటనే చెల్లించాలని, విడతల వారీగా అద్దె బస్సులను తగ్గించి ఆర్టీసీ బస్సుల సంఖ్య పెంచాలన్నారు. రాష్ట్ర వ్యాప్తంగా విద్యుత్ బస్సులను ప్రవేశపెడుతున్నారని వాటికి సబ్సిడీపై వచ్చిన డబ్బులను విద్యుత్ బస్సులను నడిపే ఓనర్లకు ఇవ్వడానికి నిశ్చయించారని అలా కాకుండా ఆ డబ్బులు ఆర్టిసి సంస్థకే అప్పగించేలా చర్యలు తీసుకోవాలన్నారు. అలాగే వాటి నిర్వహణ ఆర్టీసీ సంస్థ నిర్వహించేలా చర్యలు తీసుకోవాలన్నారు. మహిళా కార్మికులకు రావలసిన ప్రయోజనాలన్నీ కల్పించాలని, అన్లిమిటెడ్ మెడికల్ సదుపాయాలను అమలు చేయాలని డిమాండ్ చేశారు. గత మూడు నెలలుగా రావలసిన ఓటీలు, నైట్ డ్యూటీల బకాయిలు తక్షణమే చెల్లించాలన్నారు. ఈయనతో పాటు గోవిందరావు, కాద రాము తదితరులున్నారు.
|
|