ట్రెండింగ్
సంక్రాంతి సందర్భంగా ప్రత్యేక బస్సులు ఏర్పాటు
Andhra Pradesh Telugu | Suryaa Desk | Published : Tue, Dec 27, 2022, 12:45 PM
సంక్రాంతి సందర్భంగా ఏపీఎస్‌ ఆర్టీసీ అదనంగా ప్రత్యేక బస్సులు ఏర్పాటు చేస్తోంది. కర్నూలు జిల్లాలోని అన్ని డిపోల నుంచి 227 ప్రత్యేక బస్సులను నడిపేందుకు ఏర్పాట్లు చేసింది. ప్రధానంగా కర్నూలు నుంచి హైదరాబాద్‌, విజయవాడ, బెంగళూరు, తిరుపతి, నెల్లూరు, చెన్నై, ఒంగోలు, వంటి దూరప్రాంతాలకు ఆర్టీసీ అధికారులు మరిన్ని సర్వీసులను తిప్పనున్నారు. ఈ బస్సులు వచ్చే నెల 6 నుంచి 14వతేది వరకు నడుస్తాయని కర్నూలు ఆర్టీసీ ప్రజా రవాణా అధికారి టి. వెంకటరామం శనివారం తెలిపారు. అలాగే తిరుగు ప్రయాణం కోసం 15నుంచి 19వరకు బస్సులు నడుపుతున్నట్లు ఆయన వివరించారు. కర్నూలు నుంచి హైదరాబాద్‌ 125, బెంగళూరు 36, విజయవాడ 47, తిరుపతి 12, నెల్లూరు 4, చెన్నై 2, ఒంగోలకు ఒక బస్సును నడుపుతున్నట్లు తెలిపారు.
|
|