ట్రెండింగ్
క్రికెట్‌ ఆడుతూ గుండె పోటుతో మృతి
Andhra Pradesh Telugu | Suryaa Desk | Published : Tue, Dec 27, 2022, 12:47 PM
కర్నూలు జిల్లా, ఎమ్మిగనూరు మండలం గుడికల్‌ గ్రామానికి చెందిన మల్లికార్జున(34) క్రికెట్‌ ఆడుతూ గుండె పోటుతో మృతి చెందాడు. సోమవారం ఈ ఘటన జరిగింది. గుడికల్‌ గ్రామానికి చెందిన మల్లికార్జున ఏనుగుబాలలో జరుగుతున్న క్రికెట్‌ పోటీల్లో పాల్గోనేందుకు తోటి మిత్రులుతో కలసి వెళ్లాడు. క్రికెట్‌లో ఔట్‌ అయి బయటకు వచ్చాడు. ఆ తర్వాత కొద్ది సేపటికే ఒక్కసారిగా కుప్పకూలిపోయాడు. మిత్రులు అల్వాల గ్రామంలో ఉన్న ప్రాథమిక ఆరోగ్య ఉపకేంద్రానికి ఆటోలో తరలించారు. అక్కడే నుంచి ఎమ్మిగనూరు ప్రభుత్వ ఆసుపత్రికి తరలించారు. పరిశీలించిన వైద్యులు అప్పటికే మృతిచెందినట్లు తెలిపారు. మృతదేహాన్ని గుడికల్‌ గ్రామానికి తరలించారు. మృతుడికి భార్య మహేశ్వరి, ఇద్దరు పిల్లలు ఉన్నారు.
|
|