ట్రెండింగ్
శ్రీకాకుళం జిల్లాలో ఈనెల 12న యువశక్తి సభ : పవన్ కల్యాణ్
Andhra Pradesh Telugu | Suryaa Desk | Published : Mon, Jan 02, 2023, 08:57 PM
శ్రీకాకుళం జిల్లాలో యువశక్తి పేరిట భారీ బహిరంగ సభ నిర్వహిస్తున్నట్లు జనసేన పార్టీ అధినేత పవన్ కల్యాణ్ వెల్లడించారు. ఈనెల 12న రణస్థలంలో యువశక్తి సభ నిర్వహించనున్నట్లు తెలిపారు. ఈ మేరకు యువశక్తి సభ వాల్ పోస్టర్ ను పవన్ కళ్యాణ్ ఆవిష్కరించారు. స్వామి వివేకానంద జయంతి రోజున ఆయన స్ఫూర్తితో జనసేన యువశక్తి కార్యక్రమం చేపడుతున్నట్లు వివరించారు.రాష్ట్ర యువత గొంతు వినిపించేలా ఈ యువశక్తి సభ ఉంటుందన్నారు. ఈ కార్యక్రమానికి యువకులందరినీ ఆహ్వానిస్తున్నామని పవన్ పిలుపునిచ్చారు. భారతదేశానికి వెన్నెముక యువత అని, ప్రపంచంలోనే అత్యధిక యువత ఉన్న దేశం మనదేనన్నారు. కానీ ఉత్తరాంధ్రలో విద్య, ఉద్యోగ, ఉపాధి అవకాశాల కోసం యువత వలస వెళ్లే పరిస్థితి నెలకొంది.
|
|