మేకల మందపై చిరుత దాడి
Andhra Pradesh Telugu | Suryaa Desk | Published : Tue, Jan 03, 2023, 03:32 PM
కడప జిల్లా, ముద్దనూరు మండల పరిధిలోని శెట్టివారిపల్లె సమీపంలోని ఊటకోన వద్ద సోమవారం మేకల మందపై చిరుత దాడి చేసి మూడు మేకలను చంపిందని కాపరులు తెలిపారు. మేకల కాపరుల సమాచారం మేరకు.. శెట్టివారిపల్లెకు చెందిన గురుమహేశ్ మరికొందరు మేకలను మేపుకునేందుకు కొండకు తోలుకెళ్లారు. ఊటకోన వద్ద మేకల మంద ఒక్కసారిగా చెల్లాచెదురు కావడంతో కేకలు వేశారు. అప్పటికే చిరుతపులి రెండు మేకలను చంపేసింది. ఒక మేకను ఎత్తుకెళ్లిపోయింది. గతంతో కూడా పులి సంచారం ఉందని అటవీఅధికారులకు తెలిపినా పట్టించుకోలేదని, తమకు రక్షణ కల్పించాలని గ్రామ ప్రజలు, గొర్రెలు, మేకల కాపరులు కోరుతున్నారు. కాగా.. దీనిపై ఎఫ్ఆర్వో దినేశ్కుమార్రెడ్డిని వివరణ కోరగా.. మేకలపై దాడి జరిగింది వాస్తవమే అన్నారు. అయితే దాడి చేసింది చిరుతపులా, రేసుకుక్కలా అనేది స్పష్టత లేదన్నారు. మృతిచెందిన రెండు మేకలకు పోస్టుమార్టం నిర్వహించాక దాడి చేసింది ఏదో తెలుస్తుందన్నారు. మేకల కాపరులు భయపడుతున్నందున అడవిలో సీసీ కెమెరాలు ఏర్పాటు చేస్తామని, చిరుతపులి ఉన్నది లేనిది తెలుస్తుందన్నారు.
|
|