ట్రెండింగ్
అదానీ డేటా సెంటర్ నిర్మాణానికి శంకుస్థాపన చేయనున్న సీఎం జగన్
Andhra Pradesh Telugu | Suryaa Desk | Published : Tue, Jan 03, 2023, 03:34 PM
విశాఖపట్నం నగర పరిధిలోని కాపులుప్పాడలో అదానీ డేటా సెంటర్ నిర్మాణానికి ముఖ్యమంత్రి వైఎస్ జగన్మోహన్రెడ్డి ఈనెల మూడు లేదా నాలుగో వారంలో శంకుస్థాపన చేయనున్నట్టు అధికారులు వెల్లడించారు. డేటా సెంటర్ ఏర్పాటుకు అదానీకి గత తెలుగుదేశం ప్రభుత్వం భూమి కేటాయించింది. అయితే వైసీపీ అధికారంలోకి వచ్చిన తరువాత చంద్రబాబు హయాంలో ఇచ్చిన జీవోను రద్దు చేసింది. గత ఏడాది మళ్లీ అదే సంస్థకు 130 ఎకరాలు కేటాయిస్తూ జీవో ఇచ్చింది. ఈ డేటా సెంటర్ శంకుస్థాపనకు అధికారులు ఏర్పాట్లుచేస్తున్నారు. మరోవైపు, అదానీ డేటా సెంటర్కు ముందే భోగాపురం ఎయిర్పోర్టుకు సీఎం శంకుస్థాపన చేయనున్నారని సమాచారం. సంక్రాంతి తరువాత నెలాఖరులోగా రెండు, మూడుసార్లు ముఖ్యమంత్రి విశాఖపట్నం వస్తారని తెలిసింది. ఇంకా ఈనెల 27న ఎంపీ ఎంవీవీ సత్యనారాయణ కుమారుడి వివాహ రిసెప్షన్కు సీఎం హాజరుకానున్నారు.
|
|