ఊపందుకుంటున్న జనసేన పార్టీ
Andhra Pradesh Telugu | Suryaa Desk | Published : Sat, Jan 07, 2023, 12:17 PM
శృంగవరపుకోట నియోజకవర్గంలో నిన్న మొన్నటి వరకు జనసేన పార్టీగా స్తబ్దతగా ఉన్నప్పటికీ ఇటీవల పార్టీ కార్యక్రమాలతో జనసేన పార్టీ నియోజకవర్గంలో గల ప్రజల మధ్యకు దూసుకుపోతోంది. జనసేన పార్టీ గత కొన్ని రోజుల క్రితం శృంగవరపుకోట నియోజకవర్గంలో గల ఐదు మండలాలకు సంబంధించిన జనసేన పార్టీ మండల అధ్యక్షులు, ప్రచార కమిటీ సభ్యులను నియమించడంతో ఆయా మండలాల్లో జనసేన పార్టీ మండల అధ్యక్షులు నిత్యం ఏదో ఒక కార్యక్రమాన్ని చేపడుతూ జనసేన పార్టీ ప్రాభవాన్ని పెంచుతున్నారు. ముఖ్యంగా నియోజకవర్గంలో కొత్తవలస, శృంగవరపుకోట మండలాల్లో జనసేన పార్టీ కార్యక్రమాలను విస్తృత పరుస్తూ ప్రజలకు చేరువవుతున్నారు.
ఈ నేపథ్యంలో శృంగవరపుకోట నియోజకవర్గంలో రానున్న అసెంబ్లీ ఎన్నికల్లో గట్టి పోటీని ఇవ్వడం ఖాయమని రాజకీయ విశ్లేషకులు భావిస్తున్నారు. జనసేన పార్టీ నాయకులు ఇదే దూకుడును కొనసాగిస్తే భవిష్యత్తులో జనసేన పార్టీకు శృంగవరపుకోట నియోజకవర్గంలో వెనుతిరిగి చూడాల్సిన పరిస్థితి ఉండదని పార్టీ అభిమానులతో పాటుగా ప్రజలు తమ అభిప్రాయాన్ని వెలిబుచ్చుతున్నారు. శృంగవరపుకోట నియోజకవర్గంలో జనసేన పార్టీ ఇదే దూకుడు కొనసాగించాలని పవన్ కళ్యాణ్ అభిమానులతో పాటుగా జనసేన పార్టీ కార్యకర్తలు కోరుతున్నారు.
|
|