రోడ్డు ప్రమాదంలో నలుగురు కు తీవ్ర గాయాలు
Andhra Pradesh Telugu | Suryaa Desk | Published : Thu, Jan 12, 2023, 05:16 PM
విశాఖపట్నం , నక్కపల్లి, మండలంలోని గొడిచెర్ల హైవే జంక్షన్‌ వద్ద బుధవారం సాయంత్రం జరిగిన రోడ్డు ప్రమాదంలో నలుగురు తీవ్ర గాయాలకు గురయ్యారు. వివరాల్లోకి వెళ్ళితే.... . రాజమహేంద్రవరం నుంచి ఓ కుటుంబం విశాఖపట్నానికి బుధవారం ఉదయం కారులో బయల్దేరింది. నక్కపల్లి మండలం ఒడ్డిమెట్ట దాటిన వెంటనే వీరు ప్రయాణిస్తున్న వాహనం గొడిచెర్ల హైవే జంక్షన్‌ వద్ద ప్రమాదానికి గురైంది. వేగంగా వస్తున్న కారు అదుపుత ప్పి హైవే పక్కన ఉన్న పంటపొలాల్లోకి సినీఫక్కీ మాదిరిగా దూసుకుపోయి అక్కడి పంటకాలువ సిమెంట్‌ దిమ్మలను ఢీకొంది. దీంతో కారులో ఉన్న జి.కోటేశ్వరి, ఎం.సూర్యకుమారి, పదమూడేళ్ల ఎం.ఉత్తమ శ్రీరామ్‌తేజ, ఎనిమిదేళ్ల ఎం.హాసిని తీవ్రంగా గాయపడ్డారు. వీరిలో కోటేశ్వరి, సూర్యకుమారిలకు కాళ్లు విరిగినట్టు 108 సిబ్బంది తెలిపారు. కారు నడుపుతున్న వేణుగోపాల్‌ మాత్రం సురక్షితంగా బయటపడ్డారు. గాయపడిన వారిని 108 సిబ్బంది తుని ప్రభుత్వాసుపత్రికి తరలించారు. వీరంతా విశాఖలో ఉన్న బంధువుల ఇంటికి వెళుతుండగా ఈ ప్రమాదం చోటుచుసుకుంది.
|
|