ట్రెండింగ్
మీరంతా అరచి గీపెట్టి, ఏడ్చినా మీది మూడుముక్కలాట పార్టీనే
Andhra Pradesh Telugu | Suryaa Desk | Published : Sat, Jan 14, 2023, 11:26 AM
మూడు ముక్కల సీఎం జగన్‌ను.. మూడు ముక్కలాట పార్టీ వైసీపీని ఓడించడానికి వచ్చే ఎన్నికల్లో అన్ని రాజకీయ పార్టీలు ఏకంకానున్నాయని జనసేన ఉమ్మడి తూర్పుగోదావరి జిల్లా అధ్యక్షుడు కందుల దుర్గేష్‌ అన్నారు.రాజమహేంద్రవరంలో శుక్రవారం ఆయన విలేకరులతో మాట్లాడారు. వైసీపీపై అనేక మంది సర్పంచ్‌లు, ఎంపీపీలు తిరుగుబాటు చేస్తున్నారని, ఆనం రామనారాయణరెడ్డి వంటి సీనియర్లే తిరుగుబాటు చేసి, జగన్‌ హయాంలో అభివృద్ధి జరగలేదని చెబుతున్నారంటే పరిస్థితి ఏంటో అర్ధం చేసుకోవచ్చన్నారు. మీరంతా అరచి గీపెట్టి, ఏడ్చినా మీది మూడుముక్కలాట పార్టీనే. మీ సీఎం జగన్‌ మూడుముక్కల సీఎంనే అని ఎద్దేవా చేశారు. ప్రజాస్వామ్య పరిరక్షణకు అంతా కలిసి జగన్‌ను ఓడిస్తామన్నారు.
|
|