జగన్ పాలనలో అన్ని వర్గాలకు ప్రయోజనం ఏపీ స్పీకర్ తమ్మినేని సీతారాం

పేద ప్రజల అభ్యున్నతే ధ్యేయంగా రాష్ట్ర ముఖ్యమంత్రి వైఎస్ జగన్మోహ న్ రెడ్డి పలు సంక్షేమ పథకాలను ప్రవేశపెట్టి ప్రజలకు అందజేస్తున్నారని ఆంధ్రప్రదేశ్ శాసనసభాపతి తమ్మినేని సీతారాం పేర్కొన్నారు. శుక్రవారం ఆమదాలవలస మండలం చీమలవలస గ్రామాoలో స్పీకర్ తమ్మినేని సీతారాం ఆధ్వర్యంలో గడప గడపకు మన ప్రభుత్వం కార్యక్రమాన్ని నిర్వహించారు. సంబంధిత అధికారులతో కలిసి ఆయన పాల్గొన్నారు. గ్రామంలో ప్రజానీకంతో స్పీకర్ మమేకమయ్యారు. జగన్మోహన్ రెడ్డి ప్రభుత్వం అమలు చేస్తున్న పలు సంక్షేమ పథకాలను వివరించారు. ఈ సందర్భంగా స్పీకర్ తమ్మినేని మాట్లాడుతూ ప్రతి. కుటుంబానికి సంక్షేమ పథకాలు అందాలన్నదే లక్ష్యంగా గడపగడపకు మన ప్రభుత్వ కార్యక్రమాన్ని రాష్ట్ర ప్రభుత్వం ఎంతో ప్రతిష్టాత్మకంగా చేపడుతుందన్నారు. ప్రతి కుటుంబాన్ని కలిసే విధంగా రాష్ట్ర ముఖ్యమంత్రి ఈ కార్యక్రమానికి శ్రీకారం చుట్టారన్నారు. గ్రామానికి చెందిన పలువురుతో మాట్లాడి వారి నుంచి సంక్షేమ పథకాలు అమలు తీరుతెన్నులు గురించి సమాచారం తెలుసుకున్నారు. కులం, మతం, ప్రాంతం, పార్టీలు చూడకుండా కేవలం అర్హతే ప్రామాణికంగా సంక్షేమ పథకాలను అందిస్తున్న జగనన్న ప్రభుత్వం దేశానికే ఒక ఆదర్శమన్నారు. రైతు భరోసా పథకం ద్వారా సేద్యం చేసే రైతన్నలకు చేదోడుగా నిలుస్తున్నారన్నారు.

ప్రతి గ్రామంలోనూ మౌలిక సదుపాయాల కల్పన ద్వారా గ్రామ రూపురేఖలను మార్చేస్తున్నారన్నారు. నాడు-నేడు కార్యక్రమం ద్వారా బడి రూపురేఖలు మారాయన్నారు. పట్టణంలో దొరికే అన్ని రకాల ప్రజా సేవలు ప్రతి గ్రామంలోని లభించేలా చర్యలు చేపట్టారని స్పీకర్ తమ్మినేని పేర్కొన్నారు. పేదరికం కారణంగా ఏ విద్యార్థి ఉన్నత చదువులకు దూరం కాకూడదని, చదువుల కోసం తల్లిదండ్రులు అప్పులపాలు కాకూడదన్న సమున్నత లక్ష్యంతో జగనన్న విద్యాదీవెన, అమ్మఒడి, విద్యాకానుక వంటి పథకాలను ప్రవేశపెట్టిందని స్పీకర్ తమ్మినేని స్పష్టం చేశారు. ఈ కార్యక్రమంలో ఎంపీపీ తమ్మినేని శ్రీరామ్మూర్తి, స్థానిక నాయకులు పిఎసిఎస్ అధ్యక్షులు గురుగుబిల్లి శ్రీనివాసరావు, వైస్ ఎంపీపీ మానుకొoడ వెంకట రమణ, సర్పంచులు, ఎంపీటీసీలు ఎన్ని రామచంద్రరావు, గురుగుబెల్లి నీలారావు, కుటికుప్పల సన్యాసిరావు, పొన్నాడ రాము, చిలకలపల్లి సురేష్, వసంత, చంద్రయ్య, టి రామారావు నాయకులు, కార్యకర్తలు, అధికారులు, సచివాలయo సిబ్బంది, వాలంటీర్లు పాల్గొన్నారు