అనంతపురంలో పర్యటించనున్న నాగబాబు
Andhra Pradesh Telugu | Suryaa Desk | Published : Sat, Jan 21, 2023, 03:01 PM
జనసేన పార్టీ పొలిటికల్‌ అఫైర్స్‌ కమిటీ సభ్యుడు కొణిదెల నాగబాబు జిల్లాలో రెండ్రోజులు పర్యటించనున్నారు. పార్టీ బలోపేతం, ప్రభుత్వ ప్రజా వ్యతిరేక విధానాలను తెలియజేసేందుకు ఆయన శని, ఆదివారాలు ర్యాలీలు, ఉమ్మడి జిల్లా నేతలో సమావేశాలు నిర్వహించనున్నారు. కర్నూలు జిల్లా పర్యటన ముగించుకొని శనివారం సాయంత్రం 5 గంటలకు గుత్తి టోల్‌గేట్‌ వద్ద చేరుకోనున్నారు. అక్కడి నుంచి అనంతపురంలోని తపోవనం సర్కిల్‌ వరకూ ర్యాలీగా రానున్నారు. అక్కడి నుంచి నగరంలో భారీ బైకు ర్యాలీ నడుమ అలెగ్జాండర్‌ హోటల్‌కు చేరుకొని అక్కడే బస చేస్తారు. ఆదివారం ఉదయం నగరంలోని ఐరన బ్రిడ్జి, పాతూరు గాంధీ రోడ్డు, చెరువుకట్ట, కలెక్టరేట్‌ వరకూ గుంతలు పడిన రహదారులకు మరమ్మతులు చేయడం లో భాగంగా శ్రమదానం చేయనున్నారు. అనంతరం అలెగ్జాండర్‌ హోటల్‌ లో మహిళా నాయకులు, కార్యకర్తలతో సమావేశం నిర్వహించనున్నారు. అనంతరం 2.30 గంటలకు ఉమ్మడి జిల్లా నేతలతో సమావేశం నిర్వహించ నున్నారు. దీంతో నాగబాబు రెండ్రోజుల జిల్లాపర్యటన ముగియనున్నట్లు ఆపార్టీ వర్గాలు తెలిపాయి.
|
|