పొత్తు కుదరాలంటే చంద్రబాబు ఒక అడుగు వెనక్కివేయకతప్పదు
Andhra Pradesh Telugu | Suryaa Desk | Published : Sun, Jan 22, 2023, 08:00 PM
'పవన్ కళ్యాణ్ చాలా తెలివైన వ్యక్తి. తనని సీఎం అభ్యర్ధిగా ప్రకటించకుండా.. టీడీపీతో పొత్తు పెట్టుకుంటారని నేను అనుకోవట్లేదని జనసేన-తెలుగుదేశం పార్టీ పొత్తుపై.. మాజీ ఎంపీ ఉండవల్లి అరుణ్కుమార్ కీలక వ్యాఖ్యలు చేశారు. . అందుకు టీడీపీ ఒప్పుకోకపోతే.. పవన్ కళ్యాణ్కి కొత్తగా పోయేది ఏమి లేదు. పొత్తు కుదరకపోతే.. టీడీపీనీ జగన్ చ్చితంగా భూస్థాపితం చేస్తారు. కాబట్టి పవన్ కళ్యాణ్తో పొత్తు పెట్టుకోవాలి అనుకుంటే.. చంద్రబాబే ఒక అడుగు వెనక్కి వేయాలి. పవన్ కళ్యాణ్నీ సీఎం అభ్యర్థిగా ప్రకటించి ఎన్నికలకు వెళ్లాల్సి వస్తుందేమో' అని ఉండవల్లి అరుణ్కుమార్ అభిప్రాయపడ్డారు.
ఆంధ్రప్రదేశ్లో పొత్తుల రాజకీయం రోజుకో విధంగా మారుతోంది. ఈ తరుణంలో ఉండవల్లి అరుణ్కుమార్ చేసిన కామెంట్స్ చర్చనీయాంశం అయ్యాయి. ఇప్పటికే బీజేపీతో మిత్రపక్షంగా ఉన్న జనసేన.. దాన్ని వదిలిపెట్టి టీడీపీతో పొత్తు పెట్టుకుంటుందా అనేది అసలు ప్రశ్న. ఈ నేపథ్యంలో ముందుగా టీడీపీ-జనసేన పొత్తుకు సంబంధించి జరుగుతున్న ప్రయత్నాలపై రకరకాల ఊహాగానాలు వినిపిస్తున్నాయి. అయితే.. ఒకవేళ టీడీపీతో పొత్తు కుదిరినా.. పవన్ను ముఖ్యమంత్రి అభ్యర్థిగా ప్రకటించడానికి చంద్రబాబు ఒప్పుకుంటారా అనేది ఆసక్తికరంగా మారింది.
|
|