చేసిన సహాయానికి అలా థ్యాక్స్ చెప్పిన ఏనుగు...వీడియో వైరల్
international | Suryaa Desk | Published : Sun, Jan 22, 2023, 08:05 PM
చేసిన సహాయానికి ఏనుగు థ్యాంక్స్ చెప్పిందంటే కాస్త ఆలోచించాల్సిన విషయమే. తాజాగా ఈ వీడియో వైరల్ అవుతోంది. ఇదిలావుంటే ఏనుగులు చాలా తెలివైన జంతువులు. ఎమోషన్స్ని సరిగ్గా అర్థం చేసుకోగలవు. సహజంగా అవి మనుషుల జోలికి రావు.. వాటి జోలికి మనుషులు వెళ్తే తప్ప. చాలా అరుదుగా మనుషులపై ఎటాక్ చేస్తాయి. చాలా మంది ఏనుగులను ఇష్టపడుతూ ఉంటారు. గజరాజులకు నచ్చే ఆహారాన్ని పెడుతూ ఉంటారు. ఏనుగు పిల్లలు కూడా చాలా అందంగా, బుజ్జిగా ఉంటాయి. ఏనుగు కనపడితే చాలా మంది వాటి దగ్గరికి వెళ్లి ఫోటోలు కూడా తీసుకుంటూ ఉంటారు. మన భావాలని అర్థం చేసుకోవడంలో ఏనుగులు ముందుంటాయి. తాజాగా ఏనుగుకి సంబంధించి ఒక వీడియో ఇంటర్నెట్లో వైరల్గా మారింది. అందులోని అమ్మాయిపై ప్రశంసల జల్లు కురుస్తోంది.
ఆ వీడియోని గమనిస్తే.. ఒక చెరుకు పొలానికీ, రోడ్డుకీ మధ్య బురదలో ఏనుగు కాళ్లు చిక్కుకుపోయాయి. అది చూసిన ఓ అమ్మాయి ఏనుగు దగ్గరికి వెళ్లి గజరాజు కాళ్ళని బయటకు తీసేందుకు ప్రయత్నించింది. కానీ ఆమెకు అంత బలం లేదు. ఆ ఏనుగు దాడి చేస్తుందేమో అనే భయం లోలోపల ఉన్నా.. మంచి మనసుతో ఆ అమ్మాయి.. ప్రాణాలకు తెగించింది. ఆమె తాలూకు వాళ్లు.. జాగ్రత్త అని చెబుతున్నా.. ఆమె వెనక్కి తగ్గలేదు. తన కోసం ఆమె పడుతున్న శ్రమను ఏనుగు గమనించింది. తను కూడా బురద నుంచి బయటకు వచ్చేందుకు గట్టిగా ప్రయత్నించింది. ఇలా రెండువైపులా జరిగిన ప్రయత్నం ఫలించింది. వెంటనే ఆ ఏనుగు ఆమెకి థాంక్స్ చెబుతున్నట్లుగా.. తొండంతో ఆశీర్వదించింది. ఈ వీడియోని చూసిన నెటిజన్లు ఫిదా అవుతున్నారు.
|
|