సింహలతో పోరాడిన గెద్దే...వైరల్ అవుతున్న వీడియో

సింహాలతో పోరాడిన గెద్దేను ఎవరైనా చూశారు. సోషల్ మీడియాలో ట్రోల్ అవుతున్న ఓ వీడియో మాత్రం అది చూపిస్తోంది. సాధారణంగా సింహాలు ఇతర జంతువుల్ని వేటాడి చంపి తింటూ ఉంటాయి. నిజానికి గేదెలంటే సింహాలకి ఎంతో ఇష్టం. అందుకే వేటాడి మరీ తినేస్తూ ఉంటాయి. పైగా గేదె మాంసం చాలా ఎక్కువగా ఉంటుంది. గేదెని తిన్నాక ఐదు రోజుల వరకూ సింహాలు వేటాడక్కర్లేదు కూడా. కానీ గేదెని చంపడం అంత సులభమేమీ కాదు. అయితే సింహం చేతిలో చిక్కి బయటపడటం కూడా ఈజీ కాదు. ఓ గేదె మాత్రం ఎంతో అదృష్టం చేసుకుంది అని చెప్పొచ్చు. గుంపుగా వచ్చిన సింహాలు గేదె మీద దాడి చేయడంతో ఇక ఆ గేదె ఉండదేమో అని అందరూ అనుకున్నారు. కానీ ఆ తర్వాత జరిగిన పరిణామం అందరికీ నచ్చుతోంది.

వీడియోని గమనిస్తే.. గుంపుగా గడ్డి తింటున్న గేదెల్లోంచీ ఒక దాన్ని వేరు చేసిన సింహాలు.. దానిపై మూకుమ్మడిగా దాడి చేశాయి. ఒక సింహం దాడి చేస్తేనే తప్పించుకోవడం కష్టం. అలాంటిది 5 సింహాలు దాడి చేస్తే.. తప్పించుకోవడం ఆ మూగ జీవి వల్ల సాధ్యమవుతుందా? ఇక్కడా అదే జరిగింది. సింహాలు గేదెను నేలపై పడేసి.. రౌండప్ చేసాయి. కొరికి తినేందుకు రెడీ అయ్యాయి. సరిగ్గా అప్పుడే అసలైన ట్విస్ట్.. వైల్డ్ స్టోరీ స్క్రిప్ట్‌ని పూర్తిగా మార్చేసింది. అసలు అప్పుడు ఏం జరిగిందో చెప్పుకునే కంటే.. వీడియో చూస్తే వచ్చే కిక్కే వేరు.

ట్విట్టర్‌లోని @OTerrifying అకౌంట్‌లో ఈ వీడియోను అక్టోబర్ 19, 2022న పోస్ట్ చెయ్యగా.. ఇప్పటివరకూ 47 లక్షల మందికి పైగా చూశారు. 85 వేల మందికి పైగా లైక్ చేశారు. ట్విట్టర్‌లో ఈ ట్వీట్ తెగ వైరల్ అయ్యింది. ''లయన్ గర్వం పోయింది'' అని ఒక సోషల్ మీడియా యూజర్ కామెంట్ చేశారు. ''బఫెలో.. థాంక్స్ గైస్ అని చెప్పింది" అని మరో యూజర్ కామెంట్ ఇచ్చారు. ''ఇది చాలా ముఖ్యమైన పాఠం'' అని మరో సోషల్ మీడియా యూజర్ కామెంట్ చేశారు. ఇలా సోషల్ మీడియాలో చాలా కామెంట్లు వచ్చాయి.

నిజానికి ఇలాంటి వీడియోలు అరుదుగా వస్తుంటాయి. వైల్డ్ లైఫ్ ఫొటోగ్రాఫర్లు అడవులు, సఫారీల్లో తిరుగుతూ ఇలాంటి దృశ్యాలు మిస్ అవ్వకుండా.. క్యాచ్ చేస్తుంటారు. ఇలాంటి వీడియోలు మనకు లెసన్స్ నేర్పుతూ ఉంటాయి. ఇందులో సింహాలు గొడవ పడటం వల్ల తమ ఆహారాన్ని కోల్పోయాయి. అదే కలసి మెలసి ఉంటే.. వాటికి ఆహారం దక్కేది. మన జీవితాల్లోనూ గొడవల వల్ల ఎలాంటి ప్రయోజనమూ ఉండదు. కలసి ఉంటే కలదు సుఖం అని ఈ వీడియో సూచిస్తోంది.