పసివాడి పనికి...శభాష్ అంటున్న ప్రజానీకం
national | Suryaa Desk | Published : Tue, Jan 24, 2023, 01:26 PM
అందరూ శభాష్ అనేలా ఓ కుర్రాడు ఓ మంచి పని చేశాడు. తాత పడుతున్న బాధను చూసి మనవడు చలించిపోయాడు. తన తాతలా ఇంకెవరూ బాధపడకూడదని.. నలుగురికి ఉపయోగపడేలా ఓ మంచి పని చేశాడో మనవడు. అందరితో శభాష్ అంటూ ప్రశంసలు అందుకుంటున్నాడు. చిన్న వయసులోనే ఎంత గొప్పగా ఆలోచిస్తున్నావంటూ అందూ పొగిడేస్తున్నారు. పుదుచ్చేరిలో జరిగిన ఈ ఘటనకు సంబంధించిన వివరాలు ఇలా ఉన్నాయి.
విల్లియనూర్‌లోని పత్తుకణ్ణు మెయిన్‌ రోడ్డు ఉంది.. అయితే సేందనత్తంకు చెందిన శేఖర్‌ ఈ రోడ్డులో వెళ్తుండగా ప్రమాదం జరిగింది. అతడి కాలి ఎముక విరగడంతో చెన్నైలోని ఆస్పత్రికి తరలించారు.. అక్కడ వైద్యం అందిస్తున్నారు. తాత ప్రమాదంలో గాయపడటంతో.. ఆయన మనవడు మాసిలామణి బాధపడ్డాడు. తన తాత గాయాలు పాలవ్వడానికి రోడ్డుపై ఉన్న గుంత కారణమని తెలుసుకున్నాడు.
తన తాతలా ఇంకెవరూ ప్రమాదాలకు గురికాకూడదని బాలుడు భావించాడు. వెంటనే ఆ రోడ్డుపై ఉన్న గుంతలను పూడ్చేందుకు వెళ్లారు. అక్కడే ఉన్న కంకర, మట్టిని తీసుకొచ్చి పూడ్చి చదును చేశాడు. ఈ విషయం తెలియడంతో అన్నాడీఎంకే మాజీ ఎమ్మెల్యే వైయాపురి మణికంఠన్‌ ఆ బాలుడి ఇంటికి వెళ్లి అభినందించారు. చాలా మంచి పని చేశారంటూ ప్రశంసల జల్లు కురిపించారు. ఈ రోడ్డుకు చాలా రోజులుగా మరమ్మత్తులు చేయలేదని.. కంకరలేచి రోడ్డు గుంతలు పడటంతో ప్రతిరోజు వాహనాలపై వెళ్లేవారు ప్రమాదాల బారిన పడుతున్నారని స్థానికులు అంటున్నారు. ఇప్పటికైనా అధికారులు స్పందించి.. రోడ్డుపై ఉన్న గుంతల్ని పూడ్చాలని కోరుతున్నారు.
|
|