ట్రెండింగ్
రోడ్డు ప్రమాదంలో ముగ్గురికి తీవ్ర గాయాలు
Andhra Pradesh Telugu | Suryaa Desk | Published : Tue, Jan 24, 2023, 01:41 PM
వినుకొండ స్థానిక మార్కాపురం రోడ్డు, గుంటూరు - కర్నూలు జాతీయ రహదారి పసుపులేరు బ్రిడ్జి పై సోమవారం రాత్రి జరిగిన ప్రమాదంలో ముగ్గురు వ్యక్తులు తీవ్రంగా గాయపడ్డారు. సత్తెనపల్లి మండలం ఇరుకుపాలెం గ్రామానికి చెందిన షేక్ కాజా జిలాని, మొగిలి చందు, ఎడవల్లి శ్రీను లో ద్విచక్ర వాహనంపై శ్రీశైలం వెళుతుండగా, మార్గమధ్యమైన పసుపులేరు వాగు బ్రిడ్జి మలుపు వద్ద వాహనం అదుపుతప్పి బ్రిడ్జి డివైడర్ కు ఢీకొని తీవ్రంగా గాయపడ్డారు. 108 అంబులెన్స్ సహాయంతో క్షతగాత్రులను వినకొండ ప్రభుత్వ ఆసుపత్రికి తరలించారు. సమాచారం తెలుసుకున్న వినకొండ పట్టణ సీఐ అశోక్ బాబు ప్రభుత్వ ఆసుపత్రి చేరుకున్న క్షతగాత్రులను పరామర్శించి వివరాలను తెలుసుకున్నారు. మేరకు కేసు నమోదు చేసి ప్రాథమిక దర్యాప్తు చేస్తున్నారు.
|
|