లోకేష్, పవన్ కళ్యాణ్ పై అంబటి నాన్ స్టాప్ కామెడీ
Andhra Pradesh Telugu | Suryaa Desk | Published : Sun, Jan 29, 2023, 03:48 PM
ఏపీలో నారా లోకేష్ పాదయాత్ర మొదలైంది. కుప్పం నియోజకవర్గం నుంచి ఆయన అట్టహాసంగా పాదయాత్ర ప్రారంభించారు. యువగళం పేరుతో లోకేష్ మొదలుపెట్టిన పాదయాత్రపై రాష్ట్రంలోని రాజకీయ పార్టీల్లో పలు చర్చలు జరుగుతున్నాయి. ఇదే క్రమంలో లోకేష్ పాదయాత్రను టార్గెట్ చేస్తూ ఏపీ మంత్రి అంబటి రాంబాబు ఆదివారం సెటైర్లు వేశారు.
ఎలుక తోలు తెచ్చి 400 రోజులు ఉతికినా నలుపు నలుపే గానీ తెలుపు రాదంటూ నారాలోకేష్ పాదయాత్రపై మంత్రి అంబటి రాంబాబు సెటైర్లు వేశారు! గావంచ కట్టినోడల్లా గాంధీ కాలేడంటూ మరో సెటైర్ వేశారు. చివరికి పాదయాత్ర చేసినోడల్లా నాయకుడూ కాలేడంటూ వైఎస్ జగన్ తో లోకేష్ ను పోలుస్తూ మంత్రి అంబటి ట్వీట్ లో పేర్కొన్నారు. దీంతో ఈ ట్వీట్ వైరల్ అవుతోంది. ఈ నేపథ్యంలో అంబటి ట్వీట్ పై మండిపడుతున్న టీడీపీ నేతలు కౌంటర్లు పెడుతున్నారు. ఇదే క్రమంలో టీడీపీ మాజీ మంత్రి అయ్యన్నపాత్రుడు కూడా స్పందించి ఘాటు కౌంటర్ ఇచ్చారు.
|
|