నారా లోకేష్ పై మంత్రి రోజా తీవ్ర విమర్శలు
Andhra Pradesh Telugu | Suryaa Desk | Published : Mon, Jan 30, 2023, 12:23 PM
నారా లోకేష్ లపై పర్యాటక శాఖ మంత్రి రోజా మరోసారి విమర్శలు గుప్పించారు. తనదైన శైలిలో చురకలు అంటించారు. నారా లోకేష్ తో చంద్రబాబుకు ప్రమాదాలు పొంచివున్నాయని చెప్పారు. నందమూరి తారకరత్న ప్రాణాపాయ స్థితిలో ఆసుపత్రిలో చేరడానికి నారా లోకేష్, ఆయన లెగ్ ప్రధాన కారణం ఆరోపించారు. తారకరత్నను పరామర్శించే తీరిక కూడా లోకేష్ కు లేకుండా పోయిందని ధ్వజమెత్తారు.
ఇవ్వాళ ఆమె విశాఖపట్నంలో విలేకరులతో మాట్లాడారు. చంద్రబాబు సైకో అయితే- ఆయన కొడుకు లోకేష్ ఐరన్‌ లెగ్ అని మంత్రి రోజా అన్నారు. లోకేష్ అడుగుపెడితే ప్రాణాలు గాల్లో కలిసిపోతాయని ఆరోపించారు. దీనికి సంబంధించిన సంఘటనలను కూడా ఆమె విరించారు. లోకేష్ అడుగు పెట్టగానే రాజమండ్రి వద్ద గోదావరి పుష్కరాల్లో 29 మంది చనిపోయారని గుర్తు చేశారు. లోకేష్ ఎమ్మెల్సీగా శాసన మండలిలో అడుగుపెట్టగానే చంద్రబాబుకు ఓటుకు నోటు కేసులో నోటీసులు వచ్చాయని చెప్పారు.
|
|