ట్రెండింగ్
రేపటి నుండి పాతగుట్ట వార్షిక బ్రహ్మోత్సవాలు
Bhakthi | Suryaa Desk | Published : Mon, Jan 30, 2023, 12:23 PM
యాదాద్రి లక్ష్మీనరసింహస్వామి పుణ్యక్షేత్రానికి అనుబంధ ఆలయంగా కొనసాగుతున్న పాతగుట్ట లక్ష్మీనరసింహస్వామి వారి సన్నిధిలో వార్షిక బ్రహ్మోత్సవాలు రేపు ( మంగళవారం) ప్రారంభం కానున్నాయి. ఈ నెల 6 వరకు కొనసాగనున్న బ్రహ్మోత్సవాలకు మంగళవారం ఉదయం 9గంటలకు స్వస్తీవాచనంతో శ్రీకారం చుట్టనున్నట్లు ఆలయ ఈఓ ఎన్‌. గీత తెలిపారు. 01న ఉదయం 10 గంటలకు ధ్వజారోహణం, 02న రాత్రి 8 గంటలకు ఎదుర్కోలు, 03న రాత్రి 8 గంటలకు స్వామివారి తిరుకల్యాణోత్సవం (గజవాహనం) నిర్వహించనున్నట్లు పేర్కొన్నారు. 04న రాత్రి 8 గంటలకు రథోత్సవం, 05 ఉదయం 10 గంటలకి పూర్ణాహుతి, మధ్యాహ్నం చక్ర తీర్థం, 06న ఉదయం 9 గంటలకు స్వామివారి శతఘటాభిషేకం, మధ్యాహ్నం ఒంటి గంటకు మహదాశీర్వచనం, పండిత సన్మానంతో ఉత్సవాలకు పరిసమాప్తి పలుకుతామని పేర్కొన్నారు. బ్రహ్మోత్సవాలకు అన్ని ఏర్పాట్లు పూర్తి చేశామని ఆలయ అధికారులు వివరించారు.
|
|