ట్రెండింగ్
రేపటి నుంచి నరసింహస్వామి పుట్ట తిరునాళ్ల
Bhakthi | Suryaa Desk | Published : Tue, Jan 31, 2023, 02:12 PM
పెద్దరావిడు మండలంలోని తోకపల్లె గ్రామంలో సద్గురు యోగానంద నరసింహస్వామి 67వ పుట్ట తిరునాళ్లను బుధ, గురువారాల్లో నిర్వహించనున్నట్లు గ్రామ పెద్దలు, అర్చకులు కె. భవానీప్రసాద్ మంగళవారం తెలిపారు. 1వ తేదీన ఉదయం 9 నుంచి 11 వరకు దీక్షాస్వాముల ఇరుముడి, మధ్యాహ్నం 12 గంటలకు స్వామి వారి గ్రామోత్సవం, ఆలయం ప్రాంగణంలో 4 గంటలకు దీక్షాస్వాములతో హోమం అనంతరం దీక్ష విరమణ, భారత కోలాటం, రాత్రి భక్తప్రహ్లాద నాటకం ఉంటుందని అన్నారు. 2వ తేదీ సాయంత్రం 4 గంటలకు భరత నాట్యం, మధ్యాహ్నం దాతల సహకారంతో అన్నదాన కార్యక్రమం ఏర్పాటు చేయనున్నట్లు వారు తెలిపారు. కావున ఆయా కార్యక్రమానికి భక్తులు పెద్ద సంఖ్యలో పాల్గొనాలని వారు కోరారు.
|
|