ట్రెండింగ్
ముగిసిన ఏపీ జేఏసీ అమరావతి రాష్ట్ర కమిటీ ఎన్నికలు
Andhra Pradesh Telugu | Suryaa Desk | Published : Sun, Feb 05, 2023, 02:26 PM
ఏపీ జేఏసీ అమరావతి రాష్ట్ర కమిటీ ఏకగ్రీవంగా ఎన్నికైంది. శనివారం కర్నూలు రెవెన్యూ భవన్‌లో ఏపీ జేఏసీ అమరావతి రాష్ట్ర కార్యవర్గానికి ఎన్నికలు జరిగాయి. చైర్మన్‌గా బొప్పరాజు వెంకటేశ్వర్లు మరోసారి ఎన్నికకాగా, సెక్రటరీ జనరల్‌గా పలిశెట్టి దామోదర్‌రావుతో సహా కార్యవర్గంలోని మరో 19 పదవులకు పోటీ చేసిన అభ్యర్థులు ఏకగ్రీవంగా ఎన్నియ్యారు. అసోసియేట్‌ చైర్మన్‌గా టీవీ ఫణిపేర్రాజు, కోశాధికారిగా వీవీ మురళి కృష్ణం నాయుడు, ఆర్గనైజింగ్‌ సెక్రటరీగా ఎస్‌.కృష్ణమోహన్‌రావు, ప్రచార కార్యదర్శిగా కిశోర్‌కుమార్‌ తోపాటు ఐదుగురు కోచైర్మన్లుగా, ఐదుగురు వైస్‌ చైర్మన్లుగా, మరో ఐదుగురు కార్యదర్శులుగా ఏకగ్రీవంగా ఎన్నికయ్యారు. ఆదివారం జరగబోయే కౌన్సిల్‌లో ఎన్నికైన కార్యవర్గ సభ్యులను అధికారికంగా ప్రకటించనున్నట్లు ఎన్నికల అధికారి కె.భావనా రుషి ఒక ప్రకటనలో తెలిపారు.
|
|