ట్రెండింగ్
రోడ్డు ప్రమాదంలో.. ఓ వ్యక్తి అక్కడికక్కడే మృతి
Andhra Pradesh Telugu | Suryaa Desk | Published : Sat, Feb 11, 2023, 12:28 PM
అనంతపురం జిల్లా రాయదుర్గం నియోజకవర్గం కనేకల్ మండలం లో కళ్యాణదుర్గం-బళ్ళారి రోడ్డుపై నాగిరెడ్డిపల్లి శివారులో శుక్రవారం రాత్రి జరిగిన రోడ్డు ప్రమాదంలో ఓ వ్యక్తి దుర్మరణం పాలయ్యాడు. ఎస్సై దుగ్గిరెడ్డి కథనం మేరకు కళ్యాణదుర్గం మండలం దొడగట్టకు చెందిన గొల్ల తిమ్మయ్య పని నిమిత్తం బొమ్మనహాలకు వెళ్లి రాత్రి బైక్లో తిరుగు ప్రయాణమయ్యాడు. ఊరికి వెళ్తున్న సమయంలో నాగిరెడ్డిపల్లి-పులి చర్ల మధ్య కళ్యాణదుర్గం నుంచి బళ్లారి కి వెళ్తున్న ఏర్టిక కారు ఎదురుగా వస్తున్న బైక్ ను ఢీకొట్టింది. ఈ ఘటనలో తీవ్రంగా గాయపడిన తిమ్మయ్య అక్కడికక్కడే మృతి చెందాడు. ఈ మేరకు కేసు నమోదు చేసినట్లు ఎస్సై ఒక ప్రకటనలో తెలిపారు.
|
|