ట్రెండింగ్
అదుపు తప్పిన ఆర్టీసీ బస్సు, తప్పిన పెను ప్రమాదం
Andhra Pradesh Telugu | Suryaa Desk | Published : Sun, Feb 12, 2023, 12:06 PM
నెల్లూరు జిల్లా, కొడవలూరు మండలంలోని బసవాయపాలెం గ్రామం వద్ద ఆర్టీసీ బస్సు అదుపు తప్పి పంట పొలాల్లోకి దూసుకువెళ్లిన సంఘటన శనివారం చోటుచేసుకుంది. స్థానికుల కథనం మేరకు.. అల్లూరు నుంచి నెల్లూరు బయలుదేరిన బస్సు బసవాయపాలెం వద్ద అదుపుతప్పి పొలాల్లోకి దూసుకు వెళ్లింది. ఈ క్రమంలో బస్సులో 78 మంది ప్రయాణికులు ఉన్నారు. దీంతో బస్సుడ్రైవర్ అప్రమత్తమై ప్రయాణికులకు కిందకు దించారు. ఈ ఘటనలో ఎవరికీ గాయాలు కాకపోవడంతో పెను ప్రమాదం తప్పింది. సమాచారం అందుకున్న ఎస్ఐ సుబ్బారావు ఘటనా స్థలానికి చేరుకుని ప్రయాణికులను ప్రమాద ఘటనపై వివరాలు అడిగి తెలుసుకున్నారు. పొలాల్లో ఉన్న బస్సును క్రేన్ సాయంతో బయటకు తీశారు.
|
|