బెయిల్పై విడుదల ఐన టీడీపీ కార్యకర్తలు
Andhra Pradesh Telugu | Suryaa Desk | Published : Thu, Feb 16, 2023, 01:12 PM
మంగళవారం సారె, చీర ఇచ్చేందుకు మంత్రి రోజా నివాసానికి వెళ్లేందుకు ప్రయత్నించిన తెలుగు మహిళలను పోలీసులు అరెస్టు చేశారు. వారిని బుధవారం వేకువజామున 3 గంటలకు కోర్టులో హాజరుపరచగా న్యాయమూర్తి జస్టిస్ విష్ణువర్మ రిమాండ్ విధించారు. పోలీసులు వారిని చిత్తూరు సబ్జైలుకు తరలించారు. ఇందులో టీడీపీ రాష్ట్ర అధికార ప్రతినిధి మీర, తెలుగు మహిళ చిత్తూరు పార్లమెంటు అధ్యక్షురాలు కార్జాల అరుణ, ప్రధాన కార్యదర్శి వై.లక్ష్మీప్రసన్న, నేతలు ఐ.రమేష్, ఎస్.హమీద్ బాషా, పి.విశ్వనాథ్, పి. కుమారి, డి.ధనంజయనాయుడు, కె.భారతి, వి.సుజాత, పి.భారతి ఉన్నారు. బుధవారం పార్టీ నగరి ఇన్చార్జి గాలి భానుప్రకాష్ వారిని బెయిల్పై విడుదల చేయించారు. వారు మీడియాతో మాట్లాడుతూ.... ప్రజాప్రతినిధుల ఇళ్లకు ప్రజలు వెళ్లకూడదా అని ప్రశ్నించారు. పార్టీ అధ్యక్షుడు నారా చంద్రబాబునాయుడిని, ప్రధాన కార్యదర్శి నారా లోకేశ్ను విమర్శిస్తే చూస్తూ ఊరుకునేది లేదని హెచ్చరించారు.
|
|