జల్సాలకు అలవాటుపడి చోరీలకు పాల్పడుతున్న యువకులు అరెస్ట్
Andhra Pradesh Telugu | Suryaa Desk | Published : Thu, Feb 16, 2023, 01:11 PM
జల్సాలకు అలవాటుపడి వ్యసనాలకు బానిసలై కొందరు యువకులు చోరీల బాట పట్టారు. వరుస బైక్ల చోరీతో పోలీసులను సైతం పరుగులు పెట్టించారు. ఇది అంతర్ రాష్ట్ర దొంగలపనేనని అనుమానిస్తున్న తరుణంలో ఎట్టకేలకు వారు పోలీసులకు చిక్కి కటకటాలపాలయ్యారు. కాకినాడ జిల్లా, రావులపాలెం సీఐ ఎన్.రజనీకుమార్ తెలిపిన వివరాల ప్రకారం.... కొత్తపేట శివారు బాబులు కాలనీకి చెందిన సీహెచ్ పవన్కుమార్, వై.తరుణ్తేజ, టి.శ్రీరామ్మూర్తి, జి.అవినాష్ ఒక జట్టుగా ఏర్పడి ఈ చుట్టుపక్కల ప్రాంతాల్లో వరుసగా బైక్లను చోరీ చేస్తూ వాటిని అమ్మడం లేదా తాకట్టు పెట్టగా వచ్చిన డబ్బుతో జల్సాలు చేయడం అలవాటు చేసుకున్నారు. గుట్టుచప్పుడు కాకుండా సుమారు సంవత్సర కాలంగా వీలుదొరికినప్పుడల్లా చోరీలు చేస్తున్నారు. మంగళవారం సాయంత్రం అనుమానాస్పదంగా సంచరిస్తుండగా పోలీసులు అదుపులోకి తీసుకుని విచారించారు. వారి వద్ద నుంచి 14 మోటారు సైకిళ్లు స్వాధీనం చేసుకుని అరెస్టు చేసి కోర్టుకు పంపారు. ఎస్ఐ మణికుమార్, అడిషినల్ ఎస్ఐ శశాంక్, సిబ్బందిని సీఐ అభినందించారు.
|
|