బాలకృష్ణను కౌగిలించుకొని ఎక్కెక్కి ఏడ్చిన తారకరత్న కూతురు,,కన్నీళ్లు పెట్టుకొన్న బాలకృష్ణ

నందమూరి తారకరత్న మరణం యావత్తు తెలుగు రాష్ట్రాల్లో విషాదం నింపింది. ఇక ఆ కుటుంబంలో నెలకొన్న విషాదం ఎలాంటిదో ప్రత్యేకించి చెప్పనక్కర్లేదు. నందమూరి ఇంటా పెద్దవారు మొదలు.. చిన్న పిల్లల వరకూ అందరూ ఎక్కెక్కి ఏడుస్తున్నారు. తారకరత్న భౌతికకాయం వద్ద కన్నీరు పెట్టుకుంటున్నారు. ముఖ్యంగా తారకరత్న పెద్ద కూతురు నిష్క ఏడుపు అస్సలు ఆపడం లేదు. ఆ పాపను ఓదార్చడం ఎవ్వరి వల్ల కావడం లేదు. తన తండ్రి ముఖాన్ని చూస్తూ.. నిష్క ఏడుస్తూనే ఉంది. ఎవ్వరు మందలించినా తనకు నాన్న కావాలని ఏడుస్తుంది. ఆ పాపను చూసి తల్లి ఆలేఖ్య కన్నీరు పెడుతోంది.

తారకరత్న కుటుంబాన్ని పరామర్శించేందుకు సినీ, రాజకీయ ప్రముఖులు తరలివస్తున్నారు. ఆదివారం సాయంత్రం పూట తారకరత్న బాబాయ్ బాలకృష్ణ వచ్చారు. తారకరత్నను చూసి కన్నీరు పెట్టుకున్నారు. అనంతరం లోపలికి వెళ్లి కుటుంబ సభ్యులను పరామర్శిస్తున్నారు. ఈ సమయంలో గుండెల్ని పిండేసే దృశ్యం కనిపించింది. బాలకృష్ణ, విజయసాయి రెడ్డి కూర్చొని మాట్లాడుతుండగా.. తారకరత్న పెద్ద కుమార్తె నిష్క చూసింది. వెంటనే పరుగెత్తుకెళ్లి.. బాలయ్య గట్టిగా హత్తుకొని ఏడ్చింది. అప్పుడు బాలకృష్ణ కూడా కన్నీరు పెట్టుకున్నారు. దుఖం ఆపుకోలేకపోయారు.

నిష్కని హత్తుకుని బాలకృష్ణ కన్నీరు పెట్టుకున్నారు. మేమంతా ఉన్నాం తల్లీ.. ఏడవకూ అంటూ నిష్కను ఓదార్చారు. బాలయ్య పక్కనే ఉన్న విజయసాయి రెడ్డి కూడా నిష్కను చూసి కన్నీరు ఆపుకోలేకపోయారు. ఏడవకమ్మా అంటూ ఓదార్చారు. 'బాల బాబాయ్ అంటూ.. ఆప్యాయంగా పిలిచే మా తారకరత్న పిలుపు ఇక వినబడదని ఊహించుకోవడాన్నే తట్టుకోలేకపోతున్నా' అంటూ బాలయ్య కన్నీటిపర్యంతం అయ్యారు. ఆయన్ను చూసి మిగతా కుటుంబ సభ్యులు కూడా కన్నీరు పెట్టుకున్నారు. ఎంతో ధైర్యంగా ఉండే బాలయ్యను ఎప్పుడూ ఇలా చూడలేదని సన్నిహితులు చెబుతున్నారు.

అబ్బాయి ప్రాణాన్ని నిలబెట్టడానికి అన్ని ప్రయత్నాలు చేశారు బాబాయ్ బాలయ్య. ఒకవైపు కుటుంబ సభ్యులకు ధైర్యం చెబుతూ.. మరోవైపు అత్యుత్తమ చికిత్స అందించేందుకు అన్ని ప్రయత్నాలు చేశారు. కానీ అవేవీ ఫలించలేదు. తారకరత్న ప్రాణం నిలవలేదు. ఇన్నాళ్లూ తారకరత్న భార్యబిడ్డలకు బాలకృష్ణ ధైర్యాన్ని నూరిపోశారు. కానీ.. ఇప్పుడు ఆయనే ఎక్కెక్కి ఏడవడం అందర్నీ కంటతడి పెట్టించింది. తారకరత్న భౌతికకాయానికి సోమవారం అంత్యక్రియలు నిర్వహించనున్నారు. ఉదయం ఏడు 7 సాయంత్రం 4 గంటల వరకు అభిమానుల సందర్శనార్థం భౌతికకాయాన్ని ఫిల్మ్‌ చాంబర్‌లో ఉంచుతారు.