ట్రెండింగ్
గుత్తి జాతీయ రహదారిపై దారి దోపిడీ
Andhra Pradesh Telugu | Suryaa Desk | Published : Mon, Feb 20, 2023, 12:24 PM
గుత్తి మండలంలోని జాతీయ రహదారిపై మూడు ప్రాంతాల్లో ఆదివారం రాత్రి దోపిడి దొంగలు హాల్ చల్ చేసి దోపిడీలకు పాల్పడ్డారు. బాధితులు పోలీసులకు తెలిపిన మేరకు వివరాలు. గుత్తి మండల పరిధిలోని కొత్తపేట బస్టాప్ వద్ద ఆగి ఉన్న బొలెరో వాహనం డ్రైవర్ ను ద్విచక్ర వాహనంలో వచ్చిన ముగ్గురు దుండగులు మారణ ఆయుధాలతో బెదిరించి రూ. 15 వేలు లాక్కొని వెళ్లారు. అదేవిధంగా పత్తికొండ రోడ్డులో రైల్వే వంతెన కింద ఆగి ఉన్న లారీ డ్రైవర్ను బెది రించి రూ. 20 వేలు దోచుకెళ్లారు. అలాగే బాట సుంకులమ్మ ఆలయ సమీపంలో 44వ జాతీయ రహదారి ప్రక్కన ఉన్న లారీ డ్రైవర్ ను ఆయుధాలతో బెదిరించి అతని వద్ద ఉన్న రూ. 40 వేలు నగదు దోపిడి చేసుకుని వెళ్లారు. ఈ దారి దోపిడీలపై బాధితులు పోలీసులకు ఫిర్యాదు చేశారు. మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.
|
|