ముగ్గురు భార్యలతో కలిసి ఒకే ఇంట్లో కాపురంపెట్టిన అమెరికా వాసి

తలరాత అంటే ఇలా ఉండాలి అనేలా ఓ అమెరికా వాసి తన జీవనాన్ని మల్చుకొన్నాడు. ఒక్క భార్యతోనే వేగడం కష్టమంటే.. ఏకంగా ముగ్గుర్ని పెళ్లాడి వారి సంపాదనతో దర్జాగా బతుకుతున్నాడు ఓ వ్యక్తి. తనను చదరంగం ఆటలో రాజుతో పోల్చుకుంటూ.. ‘‘రాజు ఎక్కడైనా కష్టపడతాడా’’ అని ప్రశ్నిస్తున్నాడు అమెరికాకు చెందిన నిక్‌ డెవిస్‌. తన ముగ్గురు భార్యలు ఉద్యోగాలు చేసి సంపాదిస్తుంటే.. అతడు హాయిగా ఇంట్లో ఉండి రాజభోగాలు అనుభవిస్తున్నాడు. పదిహేనేళ్ల కిందట మొదటి భార్య ఏప్రిల్ (38)ను పెళ్లి చేసుకున్నాడు. ఆమెను ఓ యూనివర్సిటీలో కలిసి తొలిచూపులోనే మనసుపడ్డాడు. ఇక, తొమ్మిదేళ్ల కిందట ఆమె సమ్మతితోనే జెన్నీఫర్‌ (34) అనే మరో మహిళను జీవితంలోకి ఆహ్వానించాడు.

ముచ్చటగా మూడోసారి.. ఇద్దరు భార్యల సమక్షంలో డానియేల్‌ (22)ను మనువాడాడు. ఈ ముగ్గురూ ఒకే ఇంట్లో కలిసిమెలిసి అనోన్యంగా కాపురాలు చేసుకోవడం విశేషం. ‘‘నా కల నిజమైంది.. ఇది నా అదృష్టం’’ అని మురిసిపోతున్నాడు. ‘‘ముగ్గురు భార్యలను కలిగి ఉండటం, వారందరూ ఒకే దగ్గర ఉండాలని కోరుకున్నాను... నమ్మశక్యం కాని నా కల నిజమైంది’’ అని అన్నారు. వీరికి ఓ కుమారుడు ఉండగా.. గతేడాది జూన్‌లో మరో చిన్నారి పుట్టింది. ముగ్గురు భార్యలతో కలిసి ఉండటం అంటే నిక్‌కు చాలా ఇష్టమని జెన్నీఫర్‌ చెబుతోంది.

‘ఆమె చాలా గొప్ప వ్యక్తి .. బుర్రలో బోలెడన్ని తెలివితేటలు ఉన్నాయి.. తనంటే నిక్‌‌కు చాలా ఇష్టం.. జెన్నీఫర్‌ను పదేళ్ల కిందట కలిశారు.. ముగ్గుర్నీ హ్యాండిల్ చేయడం నిక్‌కు చాలా సులభం.. ముఖ్యంగా పడక గదిలో’’ అంటూ సిగ్గుపడింది. గతేడాది టీఎల్బీ కార్యక్రమానికి ఇద్దరు భార్యలతో హాజరైన నిక్.. అక్కడే డానియల్‌ను పెళ్లి చేసుకున్నాడు. అప్పటికే ఆమె గర్భవతి కావడం గమనార్హం. ముగ్గురూ భార్యల మధ్యలో పడుకోవడం నిక్‌కు చాలా ఇష్టమట. నిక్ ఫ్యామిలీ ఫోటోలను చూసి నెటిజన్లు భిన్నంగా స్పందిస్తున్నారు. ఒకే ఇంట్లో ఇలా ఉండటం చూసి విస్తుపోతున్నారు.