ట్రెండింగ్
ప్రజలకు అభివాదం చేస్తూ... కిందపడిపోయిన ఎమ్మెల్యే అదీప్‌రాజ్
Andhra Pradesh Telugu | Suryaa Desk | Published : Wed, Feb 22, 2023, 06:37 PM
పుట్టినరోజు వేడుకల్లో జారి కిందపడిపోయిన వైఎస్సార్‌సీపీ ఎమ్మెల్యే అన్నంరెడ్డి అదీప్ పుట్టిన రోజు వేడుకలు ఘనంగా జరిగాయి. బొడ్డపాటి ఎస్టేట్స్‌లో నిర్వహించిన కార్యక్రమంలో మంత్రి ముత్యాలనాయుడితో పాటూ పార్టీ నేతలు, శ్రేణులు హాజరయ్యారు. అయితే బర్త్ డే వేడుకలు నిర్వహిస్తున్న సమయంలో చిన్న అపశృతి జరిగింది. అదిప్‌రాజ్ వేదిక మీదకు వచ్చారు. ప్రజలకు అభివాదం తెలియజేస్తున్న క్రమంలో స్టేజ్‌పై కాలు జారి క్రిందకు పడిపోయారు.
అదీప్‌రాజు కిందపడిపోవడంతో వెంటనే పార్టీ శ్రేణులు ఆయన్ను పైకి లేపారు. ఆయనకు తృటిలో ప్రమాదం తప్పింది. ఆయనకు ఎలాంటి గాయాలు కాకపోవడంతో అందరూ ఊపిరి పీల్చుకున్నారు.. అనంతరం వేడుకలు జరిగాయి. తన జన్మదినం సందర్భంగా శుభాకాంక్షలు తెలియజేసి.. జన్మదిన వేడుకకు హాజరై.. సెలబ్రేషన్స్‌ను విజయవంతం చేసిన ప్రతీ ఒక్కరికీ పేరు..పేరునా ధన్యవాదాలు తెలిపారు.
|
|