ట్రెండింగ్
సుప్రీంకోర్టులోనూ ఉద్ధవ్ థాకరేకు నిరాశే
national | Suryaa Desk | Published : Wed, Feb 22, 2023, 08:07 PM
మహారాష్ట్ర మాజీ ముఖ్యమంత్రి ఉద్ధవ్ థాకరేకు గతకొంతకాలంగా అన్ని ఎదురుదెబ్బలు తగులుతున్నాయి. తాజాగా ఆయనకు సుప్రీంకోర్టులో ఎదురుదెబ్బ తగిలింది. ఏక్ నాథ్ షిండే వర్గానిదే శివసేన అని, ఆ పార్టీ గుర్తు విల్లు, బాణం కూడా షిండే వర్గానికే చెందుతుందని కేంద్ర ఎన్నికల సంఘం స్పష్టం చేసిన సంగతి తెలిసిందే. ఈ నేపథ్యంలో ఈసీ నిర్ణయంపై స్టే విధించాలని కోరుతూ ఉద్ధవ్ థాకరే సుప్రీంకోర్టులో పిటిషన్ వేశారు.
ఈ పిటిషన్ ను విచారించిన సుప్రీంకోర్టు ధర్మాసనం ఈసీ నిర్ణయంపై స్టే విధించేందుకు నిరాకరించింది. ఇదే సమయంలో బాలాసాహెబ్ థాకరే పేరును, కాగడా గుర్తును కొనసాగించవచ్చని థాకరే వర్గానికి సూచించింది. మరోవైపు ఈసీ నోటిఫికేషన్ పై ఈసీకి, షిండే వర్గానికి నోటీసులు జారీ చేసింది. రెండు వారాల్లోగా సమాధానమివ్వాలని, మరో వారం రోజుల్లోగా రిజాయిండర్ దాఖలు చేయాలని ఆదేశాలు జారీ చేసింది.
|
|