ట్రెండింగ్
రోడ్డు ప్రమాదంలో వృద్ధుడికి గాయాలు
Andhra Pradesh Telugu | Suryaa Desk | Published : Sat, Feb 25, 2023, 10:48 AM
కంచరపాలెం పోలీస్ స్టేషన్ పరిధిలో ఓ వృద్ధుడు రోడ్డు దాటుతుండగా బైకు ఢీ కొన్న ఘటన చోటుచేసుకుంది. ఈ మేరకు ప్రమాదానికి సంబందించి శుక్రవారం పోలీసులు తెలిపిన వివరాలు ఇలా ఉన్నాయి. కూరగాయల వ్యాపారం చేసుకుంటున్న జి. సింహాచలం (65) కంచరపాలెం మెట్టు సమీపం దుర్గానగర్ లో నివాసముంటున్నాడు.
సదరు వ్యక్తి గురువారం రాత్రి వ్యాపారం ముగించుకుని ఇంటికి వెళ్ళేందుకు రైతుబజారు వద్ద రోడ్డు దాటుతున్న క్రమంలో ఊర్వశి కూడలి నుండి కంచరపాలెం వైపు బైకుపై వెళ్తున్న వ్యక్తి అతడిని ఢీ కొనడంతో అతడు కిందపడి తలకి గాయలయ్యాయి. దీంతో అతడి చికిత్స నిమిత్తం ఆస్పత్రికి తరలించారు. బాధితుడు కుమార్తె రమణమ్మ శుక్రవారం ఇచ్చిన ఫిర్యాదు మేరకు కంచరపాలెం పోలీసులు కేసు నమోదు చేసి దర్యాప్తు చేస్తున్నారు.
|
|