చిత్రకారులకు సంక్షేమ బోర్డ్ ఏర్పాటు చేయాలి
Andhra Pradesh Telugu | Suryaa Desk | Published : Sun, Feb 26, 2023, 04:41 PM
కడప నగరంలోని ప్రెస్ క్లబ్ లో కడపజిల్లా చిత్రకారుల సంక్షేమ సంఘం జరుగుతున్న సమావేశానికి సిఐటియు జిల్లా అధ్యక్షుడు కామనురు. శ్రీనువాసులురెడ్డి ముఖ్యఅతిథిగా హాజరయ్యారు. ఈ కార్యక్రమంలో ఆయన మాట్లాడుతూ చిత్రకారుల సంక్షేమ బోర్డ్ ఏర్పాటు చేయాలన్నారు. చిత్ర కళాకారులకు ప్రభుత్వ సంక్షేమ పథకాల ప్రచారానికి సంబంధించి గోడ రాతలు స్థానికంగా ఉండే చిత్ర కళాకారులకే ఆ పనిని అప్పజెప్పాలి అన్నారు. పెద్ద పెద్ద కంపెనీ లైన్ యూనిట్స్, ప్రసాద్ యాడ్స్ ని ఇటువంటి వారికి ఇవ్వకుండా స్థానిక కళాకారులకు ఇచ్చి వారి కుటుంబాలు ఆదుకోవాలని ఈ సందర్భంగా డిమాండ్ చేశారు. తక్షణం సంక్షేమ బోర్డు ఏర్పాటు చేసి చిత్ర కళాకారులకు పెన్షన్ సౌకర్యం కల్పించాలని, లేబర్ డిపార్ట్మెంట్ నుంచి గుర్తింపు కార్డులు ఇవ్వాల్సిందిగా డిమాండ్ చేశారు.
గతంలో ఏ విధంగా భవన నిర్మాణ కార్మికులకు సంక్షేమ బోర్డు ఉన్నదో అదేవిధంగా చిత్ర కళాకారులకి అవకాశం కల్పించాలి, డ్రాయింగ్ క్రాఫ్ట్ ఖాళీగా ఉన్న ఉద్యోగాలలో అర్హత ఉన్నవారిందని కూడా నియమించాలన్నారు. అధ్యక్షుడు శేఖర్ రెడ్డి మాట్లాడుతూ రాష్ట్ర వ్యాప్తంగా మనము ఐక్యంగా సమస్యలపై మనము పోరాటాలు నిర్వహించి ప్రభుత్వం దగ్గర నుంచి మనం సాధించవలసిన వెల్ఫేర్ బోర్డ్ గురించి రాష్ట్రవ్యాప్తంగా ఉద్యమాలు చేయాలని ఆయన పిలుపునిచ్చారు. రాష్ట్ర కార్యదర్శి దేవిరవి, రాష్ట్ర నాయకులు హనుమంతు, అన్వర్ అనిల్, మున్నా హుస్సేన్ తదితరులు పాల్గొన్నారు.
|
|